28 | | Wayan Sadha
“Beh, tegarang lengise tenenan inuming lan anggon nguutang tangkah ajak basangne apang ia nyak mataag teken ngentut. Sinah suba ada anak tuara demen teken pianak bapane” Keto raos Jero Baliane ngenjuhang lengis abotol pinisilin. Sasubane teked jumah lantas tibakanga lengis paican baliane. Pianakne mara suud nginum lengise jag nadak utah-utah bruweg-bruweg marasa telah isin basangne pesu, mapan lengis paican baliane baone bengu marung arungan cara boon bangkn lelipi. Ditu Pan Kapsul sayan-sayan ngugu munyin baliane. Sinah suba kadena panakne Ni Cablek mulasaja kena cetik. Kuala bin manine taler 1 Cablek tileh mamules ngorang dewekne seneb-seneb. Pan Kapsul telah dayane minehin pianake sayan berag di balene. Biin Pan Kapsul nunasang ka baliane totonan sambilanga ngenjuhang canang telung tanding misi sasari selae tali rupiah.
eke
“Kenken perkembangan pianake Pan Kapsul?” keto patakon Jero Baliane.
“Nap1, tileh nika ipun kari mamules di balene tusing nyak bangun-bangun.”
“Man, suba kal baang nginum lengis paicane totonan?”
“Sampun, kuwanten wusan nika ipun ngutah bayar.”
“Nah...! Tooh dong pelihan, sinah suba ya sakit kena cetik cadang galeng tenenan, tandan-tandane jag pragat ngalih bale jag memelud, ada keto apa tusing?” raos baliane masebeng egar anggut-anggut sambilanga melintir kumisne sabilang tanggu kenjikanga menek apang ngenah cara tanduk kebo. “Nah, nejani Pan Kapsul ngaba pipis anggon ngalih ubad? Sawireh dini tusingada lakar jaton ubade.” keto patakon baliane sambilang magageblusan ngeroko temako jaen makaput baan kulit jagung, makada cekceke maglebug uli plafon umahne ulian lengeh ngadek boon andus temako.
“Akudanika tiang ngaturang jinah?” Pan Kapsul kitak-kituk sambilanga nolih kurenane. Men Kapsul anggut-anggut pratandane ia ngadut pipis pamelin be lemadinge
