Leak Pemoroan | 27
Balian Nguluk-Nguluk
Zaman globalisasi konden karwan makada manusane multi kawidagdan, sawireh ane tuara demen magonjakan ngajak timpal wiyadin tusing demen ngawacen buku-buku,sinah ia tusing tanggap teken perkembangan jagat. Diapinke ilmu-ilmu kedokterane sarwa canggih, kuala tusing masi mresidayang nyapuh papineh anake ane suba kadung ngelah akah tradisi kuno. Cara Pan Kapsul anak ane dadi nelayan uli Jimbaran. Uling ngilune, uling pangelingsirne gaginane mula dadi bendega, sinah pengalaman idupne satata di tengah arungane mapasuwitran teken soroh ombak pasih lan angin baret, dikenkene rariane riyut ujan bales selantang dina. Pengalamane buka keto mula makada basange bawak enggal biyota, sawireh sai-sai nyadangin ombak gemulak teken rarian ane tusing akrab. Ento masi makada Pan Kapsul munyine satata gede bin bangras, pertimbangane bawak tur enggal pesan saud, mapan ya idup di tengah pasihe yen ngorta ngajak timpal-timpalne satata uli jarak joh paling paek apenimpug, ento awanane munyine kereng gelur-gelur apang dingeha teken saingne di tengah arungane, mapan ia mamunyi mapelawanan ngajak angin. Kabiasane totonan abana ka desa, sangkala yen ya ngorta di banjar anak ngesiab-ngesiabang bayu kaden anak va majljal ngajak timpalne.
Pan Kapsul nyongkok ngelut entud di bale daja sambilanga malengok mineh-minehin pengalamane ane suba liwat. Dugas tetenen ya mapinunas ka balian ane ngoyong di Desa Dangin Prapat. Baliane totonan anak mula dadi langganane Pan Kapsul. Sabilang sakit kaluargane satata ia kema idihanga patepetan /mubad. Kuala dugas tenenan ia nunasang pianak luhne bajang madan Ni Nyoman Cablek sakit uyeng-uyengan utah-utah, jag pragat pules suba ada uling aminggu di balene singnyak bangun-bangun.
