30 | | Wayan Sadha
ulian manira tusingelah tongos ditu sig pekarangan umah Ceninge ento makada manira ngicen pangeres apang Cening kapok.”
Pan Kampsul ajak luhne bengong, kuala demen mapan tumben maan matur ring Betara Hyang.
“Inggih Ratu Betara Hyang. Sampunapinika, tongos napinika jagi kaarsang?” keto Men Kapsul ane matur, sawireh Pan Kapsul anak ia cara kakul tuara bisa patimamunyi teken mapenangkilan, apabuin lakar matur ring Ida Betara Hyang.
“Keneto Cening, gaenang manira pelinggih rong telu di bucun pekarangan Ceninge !Apangada tongos manira masanekan macecingak teken damuh manirane.”
“Dija man genahang titiang pelinggihe ? Sawireh titiang ngelah umah tuwah abungkul, nenten wenten nika genah ngaryanang pelinggih drika.” Keto aturne Men Kapsul maperentangan ngajak Jro Balian. Jero Balian matiuk puntul keetang sre, nguntul sambilanga nyrere.
“Dadi manira gaenang pelinggih dikamare ane dibucu Kajakangin.” Konden sempat Men Kapsul masahut sagetang Jero Balian ngaraik.
“Mesat...!” Jero Balian ngebah langsung taktakina teken pagandane anak mula siaga satata nyaga didurin Jero Baliane. Raris Pan Kapsul ngajak kurenane mapamit. Teked jumah ia lantas nganggih lakar ngae pelinggih di metene ane di bucu Kajakangin. Pelinggihe suba pragat kuala Luh Cablek nu masi sakit utah-utah di meten. Ditu lantas nyama misanane teka ngatehang bidan. Asil pemeriksan bidane kone I Cablek utah-utah ulian ngidamne bas sanget. Ditu lantas Pan Kapsul naletarng matakon teken pianake, apeke beneh pasajane ia ulian ngidam ? Men nyen muanine ane ngaranang beling. Ditu lantas I Cablek ngaku suba makelo matunangan ngajak I Ketut Ancuk.
“Beh, tusing tawanga pianakne kena kecelakan, pipis telah juang balian, pianak payu juang timpal. Sangkala yen ada pakeweh matakon anake malu teken nyama misan
