“Nah yén kéto ya kanggo ja Nyoman ditu, kema anaké urug kudang truk ja nelasang limston Gungaji mayahin malu.”
Nyoman Getar demen pesan kenehné lakar kicén nyelang jinah. Jag langsung dinané totonan ia mesen tanah batu kapur/limston di bukit Jimbaran. Tanah kapuré totonan lakar anggona ngurug tanah belinné. Sasubané tanahé kaurug nelasang limston satak seket truk, mara tas ia pada nyujukang kubu ditu. Nyoman Getar anak ia rukun pesan manyama pada saling idihin saling enjuhin, pakedék pakenyung, jag demen suba atinné nepukin kurenané tekén ipahné pada bisa ngalap kasor, tusing taén tepukina miyegan.
“Bli,” kéto I Nyoman Getar mamunyi, “sawiréh tanahé ténénan suba adané baanga ngidih tekén matuwan Bline, apang tusing duriané dadi rebat mapan ia anak liu ngelah sentana muani, nyén nawang tagiha tekén sentanané. Apangada masi ané anggon kekuatan, orahin matuan beliné ngaénang sértifikat tanahé atas nama Bli,” Kéto pangidihné I Nyoman Getar tekén belinné ané madan I Made Kakul. Kuala Belinné mapan tusing pati bisa mamunyi, terpaksa I Nyoman Getar ané ngidih tulung tekén kaluargan matuwan belinné. Kuala kaluargan matuwan blinné tusing nyak nulungin ngaénang sértifikat, alasané
“Ah eda suba sanget pikira totonan, kaluargan tiangé singja lakar ngarebatang tanahé totonan, tusingja biin nakonang ané suba pakidihanga.” Kéto pasaut kaluargan ipah blinné.
Pajalan hidupé tusing setata mulus buka ané aptiang ajak makejang, anak mula kéto dadi jelma, diapinké iraga malakar aji getih abungbung tusing setata iraga lakar nepukin melah, buka piringé di keranjang gantungé sinah taén dogén makrénténgan. Yén kénkén kadén unduké sagétang mbok ipahné ngambul kumah matuané. Sawiréh Nyoman Getar anak ia kapah jumah mapan seleg magaé di hotél, leénan tekén dadi kariawan hotél ia ngelah masih bisnis dadi calo tanah. Mapan jengah tekén padéwékan
