Ampah Peningalane makbyos mesuang yéh nyrékcék di pabinané, kéto masi kurenané tekén pianak Ian mantunné makejang engsek, makejang jengis. Apa awanané I Nyoman Getar ajak pianak somahne tekén mantunné makumpul di ruang tamunné makejang ngetelang yeh mata? Kéné undukné, dugas ngawitin sasih karo utawi ring bulan Juli warsa 2006, I Nyoman Getar mara sajan suud nyakapang pianakné, liu pesan ngundang braya Ian paswitrane, sinah ia nelasang prabia lebih tekén pesasur yuta. Kuala sasubané suud ngadakang pawiwahan, sagetang teka surat panggilan uli kepolisian. Tulisané ane munggah di suraté totonan ngundukang déwékné lakar macoran ring pura Dalem Kayangan. Ento makada I Nyoman Getar marasa engsek tekén déwéké suba kadung pelih, munyiné suba kadung Iabuh lakar nangtangin nyama tugelané macoran. I Getar jengah, sebet tekén déwék, mapan bas marané ia ngelah mantu, sagetang suba tugtuga tekén pakewehé. Yen prade saja lakar macoran sinah ia lakar magedi uli di umahné totonan, diapinké rebatné ngajak nyamané pada-pada kukuh, pada-pada gengsi, kuala singdadi ban ngengkebang sebeté kalawan lekné tekén mantuné, mapan munyiné suba kadung nantangin nyama tugelane macoran.
Apa awanané dadi bisa kanti nangtangin macoran Man, singke ada jalan ané lénan tekén madéwa saksi anggon mragatang rebat?" kéto patakoné Nang Kocong kabenengan dugas totonan milu tau tekén rarembugan kaluargane I Nyoman Getar, kabenenganja masi ia andeganga lakar ajaka bareng madingehang rarembugan kaluargane I Nyoman Getar. Raris I Nyoman Getar makëcah-kécah ngortang paundukané gumanti lakar macoran ngajak nyama tugelane.
Kéné undukné, tutuk pukuh rebatné I Nyoman Getar ajak nyama kelihané ané madan I Made Kakul. Dugas selaé
