"Ilmu to anak mula mael, Nang Lotok, yen suba iraga bisa mubad-ubadan nganggon serana strum listrik, kan melah pesan, mapan aluh ngalih listrik." kéto pasautné Kak Badung sambilanga magageblusan ngroko. Nang Lotok mapineh-pineh di korsiné empuk sambilanga mengkhayal "Béh, melah ulesné ténénan yen prade idéwék bisa ngubadin anak sakit rématik nganggon strum listrik, sinah anaké bengong ngajinang idéwék"
"Kénkén dadi bengong, ada bayu maguru? Laan bareng-bareng ajak icang."
Miribné Nang Lotok suba kena pengaruh tekén ortan kawisésané Pak Agus nyidayang nyemak strum kanti ribuan watt, inget Nang Lotok taén ada morta anak mati ulian masang penjor kena strum tegangan tinggi, néjani ada buka Pak Agus ngelah kawisésan nyidayang nyemak strum tegangan tinggi sinah suba kaliwat sakti jelmané ténénan.
"Man, bin pidan Pak Agus lakar mai ?" kéto pasautné Nang Lotok ulesné ia suba peragat mineh-minehin, mapan ia padidi anak ngeraksa sakit rématik, flu tulang, Ian asam urat, nyen nawang ulian nto nyidayang nyegerang sakitné suba makudang-kudang tiban rasanga.
"Bin mani semengan sawatara dauh teluné mai, sinah ia suba lakar ngantosang dini."
Mani semengane Nang Lotok jam siané teka kumah Kak Badung nyadia lakar maguru ilmu listrik tekén Pak Agus. Sawatara apanginangan ngantosang sagetang ada anak teka, pawakane bontag cepag, pajalane ngengkag, lengar sepitne ngerenyeb kena sinar ai, ento madan Pak Agus. Ditu lantas Kak Badung tekén Nang Lotok malajah cara-carané nyemak strum listrik ané paling cenik-cenik malu ukuran nyang selaé watt. Malajah nyemak strum hayarané mara nyumuin pitungatus seket tali rupiah. Diapin kéto Nang Lotok tusing ja sebet mesuang pipis mapan dot pesan bisa nyemak strum tegangan tinggi, ané lakar dadi anggon ngubadm kaluargane yen pradé ada ané ngelah panyungkan tuju wiadin penyakit ané lén-lénan. Kéto masi Kak Badung, diapin ne!asang pipis kanti jutaan rupiah
