2 | | Wayan Sadha
“Nggih nggih, tiang nyidaang mangkin mrika, jantos molas menit sinah tiang sampun napak drika.” “Dadongné, Men Lotok, ané jani Icang lakar luwas kumah Kak Badung,yén sagét Nang Kacrut teka mayah pamelin pupuké tampi nyan nah.” Kéto pabesené Nang Lotok tekén Mén Lotoknglantas ia nyetater montor Cary-né mawarna barak wayahané biasané anggona muat-muat padi lan peralatan mesin pemantig padi.
“Oh, éenggal ja Nang Lotok teka, mai malu dini negak, icang maan berita melah pesan.” kéto daduunné Kak Badung sambilanga nandan limané Nang Lotok ngungsi kamar tamiu.
“Maan, maan, kénkén beritané Kak Badung jag tumbén gentur sajan semengané jani, apaké ada anak ngadep gabah?” Anak mula kéto tabuhné Nang Lotok mapan ia anak petani nyambil dadi saudagar padi, sinah ané satuanga soroh pamulan padi tekén dagang gabah, miwah déwasa mamula padi.
“Kéné to Nang Lotok, icang maan guru kebatinan linuwih pesan. [a nyidayang nyemak strum listrik roras tali watt tuara ja mencanén strumé totonan, keneh icangé lakarbareng-bareng maguru élmu listrik ngajak Nang Lotok.”
“Anak uli dija totonan ?”
“Anak iya ngaku uli Médan madan Pak Agus. Dugas dibi ia démonstrasi ngisiang strum roras tali watt, jag sing kénkén ia. Miribné awakné misi dinamu totonan sangkala ya bisa ngenjit lampu néon di awakné nyak ngendih puk, bengong icang ngiwasin tekén kesaktiané, yén idéwék kena strum dasa watt dogén suba kejeng-kejeng.”
“Man, apa geginané ané sedeng puponin yén bisa nyemak strum listrik kanti siuan watt, Kak Badung ?”
“Yéih..., anak dadi anggon menerapi sakit rématik lan tuju koné to.”
“Man, yén maguru tekén Pak Agus, kuda mayah uang mukakné ?”
“Mara nyumuin pitungatus séket tali.”
“Béh liu pesan bayaraneé.”
