KIDUNG PANJI SUMIRANG, GERIA GDE BALAYU. 76
95b | Araryyan ring sor ong Grodda,
sira panji angucap
"A Patih lumaku,
enggadé pasanggrahan!
anuhun sira Patih. 123.
Tan Asari lumampah,
tinut sanak kira,
96a | sira Kkryan Tumenggung,
mwang kakang ngira,
sira Dmung pupuh angawit. 124.
VI. PUH DMUNG. WI.
Wuwusan sira Panji,
sumengka ring gunung,
ring madyanning ngukir Kawi,
ana sira Sang Mabhiksu,
apushata Danghyang Dwéwdhi,
suyasa darma ginugon. 1.
Sura-brattha tar pingging,
satsat Hyang Mahulun,
dura darsanna kinapti,
anyakre-bhawwa winuwus,
suddha siddhanning kinapti,
susila darmmasri kayop. 2.
Sri Wangbang widyajnyanna,
ngaranning sunu,
wicakshanéng ngaji,
sira kinon umarekka,
ring sang Ngepekik,
atur gangan pala-bungkah,
osaddhi mangga ring dusun,
adahan sira lumaku. 3.
Tan koningha ring lampah,
prapténg witning gunung,
Jinarumming Mantri,
sira Panji asmu smittha,
"Sapa ta iki,
sawismaya ngong umulat,
anyar prapta siréng riki,
surupa lwir Sang Maha-bhikshu",
Radén Wangbhang asmu guyu. 4.
“Duh singgih Sri Narapati,
ingsun Wangbhang widyadnyanna,
96b | sunu dé Mpu Widyatmika,
sun kinén amegil,
atur gangan-gangan gunung,
osaddi mwang pala-mula,
minyak susu gretthaddhi,
sih angampunnéng wimuddha dusun."5.
Sengha Panji muwus aris,
“Singgih Wangbang Widyajnyanna,
Liwar sukanning twas ingsun,
lwir kegunturan manik,
ring praptan nira anurun,
aptin ingsun umarekka,
ring paddha Sang Maha-yatti,
sredah pengempwan nglarappaknéng/
sun."6.
Radén Wangbang muwus aris,
"Dirggha yusha,
aptin ira Rahadyan,
ngong tan atiwar ring laku,
anutting kapti,
lumaku ring udyana puspha,
sinarwwi anglipur uyung,
umahlling puspha,"
Sengha Panji ngling ngaris,
“Dibya rammaniya iku,
mangké adandhan lumaku. 7.
Ndah tan asari atangi tur lumampah,
tumut Radén Wangbang,
Rangga Wiraddha dumulur,
mwang sanakkanéki,
kang wong samma akmitthing joga,
anuting Sang para-wadhu,
kuneng lampah ira,
munggah ring geger anginggil,
mangha mulat ring kalangun,
rumbrumning seka-caksu. 8.
