KIDUNG PANJI SUMIRANG, GERIA GDE BALAYU. 77
97a | akwéh kucur ing aértali,
aniban ing karang-karang,
lwir agran ing jambangan,
sinuluhanni rawi,
umentas kang wé anembur,
amangun-mangun imma,
umtu kang riris alit,
kuwung-kuwungn-ya dumilah asru. 9.
Rahadén Wangbang ngling aris,
"Singgih abchik lumampah,
umungsirring pangeswan,
kusumman-ya sheh sari,
agayam-ayam Pukulun,
ring Sang Hyang Manasija,
prapta anglanglang karasmin,"
Sira Panji suka asmu guyu. 10.
Nher ta sira lumaris,
wonten balé,
ptang asri kadungus,
angungkuli parung,
tirah ing warih,
angringring jangga saptangkura,
keheban angsanna mayung,
irikalungguh,
amarnna-marnna kerasmin,
ikang ukir Kawi puniku,
tanning rat alepn-ya alangu. ll.
97b | Tuhu yan murtin ing angawi turidda,
ing karas-karas lulut,
atanah raras ati,
aracanna karasmin,
nika smara tura,
wkasning ati pinupul,
ring mekara-dwaja,
ulahhi nahen kingking,
Sang atngeran Jaya-puspa tuhu,
nglanglang saka-langu. 12.
Cihnan-yanéng pateh ati,
nikang Dyah anghangarang,
tan sah ri padma mkar,
rinerebbhi kéteka,
ariris-riris rawat truh kingking,
apater tangisning wiyogghakung/
ngatitit,
mredhun ing nayanna nawung lulut. 13.
Ndan atur mangkana pangapti,
nira twan Mantri tuhu,
yayahaana ring swapna,
kalangenni wanadri,
panja-panja kaworan ima,
awor kukusning amuja,
smu mletuk kasiriring pawanna,
sugandan-ya marum. 14.
Apanta-panta langun ikeng asramma,
muksah-muksah dinulu,
dén ing dohn-ya,
winuni banjaran sinom,
98a | andong mirah atuntunan,
kayu puring mwang kayu mas,
abra kadi awarah,
yan ana Maha-yati,
lwir kadya muja smara langu,
Jaya gatin-yanggung kung lulut. 15.
Lor wétan amurwwa rasmi mahari/
angungang,
sakamatan,
bwat smarasanna aresik,
atiyang raggha kingking,
asulur lulut,
awwat-wat karasmin asusur,
karesikken wiyahn-yakung,
atali wlas sih,
wuwungan-ya lagi arsha batur,
sranggaran-ya mbah ing rum. 16.
