KIDUNG PANJI SUMIRANG, GERIA GDE BALAYU. 75
94b | Radén kasép atangkis,
dinuk jajan-ya kelaron,
rudiran-ya mulakkan,
tumiba ta siréng lemah,
andhuli ta ya sinuri,
kang surak kawanti-wanti,
wirang sira Radén Suryyanasha,
Rangga Wiradda jinumog,
aptin iranyangking,
tan pantuk ta ya lumampah. 113.
Rakkyan Mahisha angingkis,
Radén Sudasanna ginepok,
dinuk dén ing tomara,
trus tekka ring walakkang,
pinugut teké gigir,
kang wong méngashya kagingsir,
sigra runtik Radén Mayantaka,
angiras sirvng lampah,
lwir singhareppa mukti,
Radén surantaka amapag. 114.
Radén Mayantaka ngucap,
"Ih kita raré bonchah,
mangké gati satru,
amirang lampah,
nora anut ring Bhupati! 115.
Radvn sura tan pangucap,
95a | tumuli amattang,
trus jajan-ya iku,
aniba ring lmah,
Radén Mayantaka wasyanti. 116.
Hyang Rawi wus tabeh asti,
prapta bayu bajrangepok,
ktug lindhu ri payuddan,
wangkawa awilettan,
kang wang Mtaram kagingsir,
tinubbhi anibéng wresti,
akwéh kabalang anibéng jurang,
rempuh kang dwaja Linakon,
marganéng anibéng siti,
kang wong tar wruhha ring awan. 117
Kagyat Sang Natta katrinni,
rinasha durmitta kawot,
sédhung angulunggi wadwa,
Sang Naténg Lasem angucap,
“Duh sira yayi kalih,
yéki tan sih ing widdi,
ri aptin nira yan anempuha,
anut Sang Natta karo
sinurung dé wadwa aglis,
umanggul nusup ring alas. 118,
Tan kawarnna lampah ira,
umunggi ro wésma,
Sangha Panji winuwus,
pinarekking wadwa,
ring sor ing Waringin. 119.
95b | Radén surantakka prapta,
mendhek atur sembah,
“Singgih Pukulun,
kang satru laradan,
wétning timbira wus prapti. 120.
Tinut bayu bajra prapti,
binuru ripu ginepok,
sira Panji angucap,
“Tuhu sing Hyang Narayanna,
mwah ta sira yayi,
liwar sukan ingsun angapi,
dén iranom wuwus amrajaya,
pareng mangké anglakon,
kinanti umanjing,
sampun sira wus anadhah. 121,
Ndah tan koninga ri latri,
énjing sira lumampah alon,
gumuruh wadwa asinang
pakshan ira anungkap,
ana ring ukir kawi,
anusup ring wanna wisti,
jurang predung kaliwattan,
prapta ring panrajon,
ri sukun ikang ukir,
ingaran talun awiyar. 122.
