KIDUNG PANJI SUMIRANG, GERIA GDE BALAYU. 71
89a|Kang bala larut tan panolih,
binuru ta ya ginepok,
akwéh pinrang ya lumampah,
ana pjah ginalah tinujah,
krura wadwan nira Panji,
lwir bhutha apti mangan daging,
amranghamabad taknéng, winilang,
akwéh dénn-ya kalaron,
anembah minta urip,
sang sinembah tan kahanan welas. 70.
Sri Wira Wisnugupta,
apti amalessanna,
Kèn Apatih asayut,
sampun Pangéran,
89b|masha mnang amalih. 71.
Sat sat anglanginni jladdi,
yanna puliha,
anut Sang Ahulun,
samanung Sang Dwaja,
amus sampun ajurit. 72.
Sira Panji angling aris,
kang Rangga ulatta mangko,
anungkul Sri Wisnugupta,
singgih sang lwir smara,
bcik araryyan iriki,
alungguh sor ing waringin,
kadéhan nira samma marekka,
winarnna sang kalaron,
Sri Surantakka-patni,
sampun adandan lumampah. 73.
Tan kémut éng sutta kalih,
minusthi sira Sang Katong,
Sri Mahadéwi tinutta,
sampun samma salin wastra,
ptak alus bonyo-mirir,
Rahadén Déwi anangis,
akushah-kushah gumuling ing lmah,
Sri Patni ngucap alon,
sampun alara nini,
dén ashih ing kakang ira. 74.
Mneng Rahadén Narantaka,
Sri Patni lumampah,
kang tangis gumuruh,
90a|Dyah Nilawattya,
Rahadén Ino kinanti. 75.
Mangké sang ngungsi swargga,
prapta ring pancaka,
kang wong wlas anulu,
tkéng wannacalla,
prasamma lara makingking. 76.
Pring bumbang gumuni aris,
lwir lara anangis alon,
panjritning cetakéng tawang,
anyakra laku kellaran,
binarung ing tadah-ashih,
greh amndra umung ring lor-wé-/
than,
mimba wikalpa takon,
sang susatya lumaris,
angungsi kapatibrattan, 77.
Lumaris Sri Pramiswari,
nora wdi sarwwa linakon,
lampah ring sgara-rudira,
iring ing giri-kunappa,
runjrah ana ring pinggir,
wruh sira anapak arangin,
tindakki ratken tikel ing galah,
wangkéyang asthi kadungus,
kang rah lwir aértali,
kumucur saking brannann-ya. 78.
Ageyuh déra lumampah,
umider ring sawwa,
dadi ta kacunduk,
sawwa Sang Natta,
Sri Pramiswari anungkemmi. 79.
90b|Duh singgih Sri Naranatta,
dén sih angantéka,
anéng banjaran-santun,
sih atuntunnan,
rengkan ing wagugal-agil. 80.
