KIDUNG PANJI SUMIRANG, GERIA GDE BALAYU. 70
87b|Wétning sun apti lumampah,
endi kinul emman,
wnang anggawé kuwu,
makapangebbhan,
kitta lwih buddi acinging.59.
Krodda Sri Angkara-bwanna,
pakshané anrajane,
sarwwa ngunda parung,
88a|atawing daddap,
sira Panji tan gumrisin, 60.
Sri Angkara anudingi,
ih kittangucap winongwong,
lihat tékang parung ingwang,
pangalap jiwan nira,
sira Panji angeling,
aywa sira agung kapti,
sang rwa samma sira ngukih pranna,
kang asthi anglakon,
mider siRangga-Ranggit,
suwé déra akuyangan, 61.
Radén Ino wus prapti,
paksha nuduk saké ringan,
tiningallan sakedap,
kapisan pinrang antaka,
Sri Angkaranuduk nitir,
sira Panji nglésha ramping,
sinrang ingusi déra Sang Natta,
sinép lakun-ya kacidra,
anungkap si Rangga-Ranggit,
sinuduk Sri Naranatta. 62.
Anembur punang rudira,
aniba antaka,
sinuri pinundut,
nuli binuncal,
sri Surantaka gung runtik. 63.
Angadwaken watek wira,
gumuruh lumarap,
tabeh-tabehan dumung,
88b|lwir singharodra,
angiras candang amrepi. 64.
Kang dinumung sira Panji,
dinukti to mara ginepon,
Sang Apanji ndah tan giwang,
kuddan nira sigra multak,
Sri Surantaka angeling,
ih kitta dahat caliring,
masha urung angenmassan apjah,
ginrek ya tta tinrojon,
sira Panji atangkis,
Sri Natta nitih amabad. 65.
Winales dé Sang Apanji,
trus jajanin ira Sang Katong,
rudirann-ya amulakkan,
tumiba ta siréng lemah,
tumuli wus sinuri,
surak umung awanti-wanti,
kang prang awor tan kétung baya,
arurak dénn-ya awor,
anna nuduk iya cinangking,
wanéh amrang ya tinujah. 66.
Wira Tumenggung amranga,
Radén Aryya pinejah,
Rakriyan Dmung antuk,
Patih Pinrejaya,
siran Patih mjahi Mantri. 67.
Melayu wong Karawira,
89a|kwéh atawan-branna,
ana tikel pupu,
swarann-ya angohan,
kaninn-ya binebed arawis, 68.
Sawann-ya atindih-tindih,
tan ana wang ya linakon,
dumudug giri-kunapa,
lwir sgara rudira,
pinindalaman kang rawis,
rujnyrah pandann-ya ring pinggir,
rinacanna parangan ing aswa,
rampungning astha padda,
kumambang ring pasir getih,
1wir minna angumbang-umbang. 69.
