KIDUNG PANJI SUMIRANG, GERIA GDE BALAYU. 69
86a/Tan wani kitan abecik,
jiwanmu dén pinupon,
dleng dén ing sakwéh matanmu,
86b/tandangé si Mishasura,
angingkis watang lumaris,
sira Kbo Wijaya lwir,
ararahup erah tan bisha ngucap,
kang wong mlayu sinuduk,
do shané mundur samma wdi,
atinggal kasuradiran. 49.
Sira Dmung anudingi,
ah iki wani iringong,
adama ingong ajriha,
wirupanni kaya sira,
tuwanmu kon maréng kammi,
Mahi sha-Suragung runtik,
tan pangucap tumali amattang,
malah trus jajann-ya,
rudirann-ya muncar,
nuli sinuri,
sira Dumng wus pjah. 50.
Dèn prih Mahisha-sura,
sira Kbo Panggrusmara,
atanding Wira Tumenggung,
padda legghawwa,
tandangé anngrassi ati. 51.
Kbo Panggrus angunus kris,
anglangkar wattang,
tumuli anuduk,
jaja wus dén tigas,
sira Tumenggung wasyanti. 52.
Balané akéh, wasyanti,
mundur kang wadwa ginepok,
87a|maseh Kbo wilalungan,
standing Si Lembu-sura,
suwé atanding kawanin,
silih anggul ndah ten gingsir,
akuyenghan angulatti cidra,
sira Kbo-wilalunghan,
pinrang pasah tkéng gigir,
tumiba sira aktaka. 53.
Kang surak awanti-wanti,
sira Kriyan Patih kalonjok,
tinuju Rangga-wiradda,
asuwé tanding kadiran,
Kén Patih kasép atangkis,
sinuduk jajatrus ering gigir,
muncar kang rah tibaya antaka,
balan-ya samma klaron,
dawut payung kagingsir,
prasamma angungsi untat. 54.
Runtik Sri Angkara-bwanna,
anunggang matengga,
sarwwa ngunda dukduk,
ngadwaken bala,
gumuruh bala lumindih. 55.
Kendang gong asawuran,
arok kawong aprang,
anna silih suduk,
anambrang pinerang,
sing kasor atmah wasyanti. 56
87b/Kumacup Sri Angkarabumi,
anitihi asthi kawot,
Sang Apanji umulat,
amleg tur rangga maring arsha,
Sri Angkara angeling,
ih baya kitta ngaran Panji,
apitik temen tatta waman nira,
dénta laku anglanjam,
tan pracura ring bhumi,
angungguhi alas laranghan. 57.
Eman arupanmu apekik,
tan wruh sira ring lalakon,
amungpang Widi Awidya,
ndah tan ulahanning Sattriya,
akitta mangkéki,
ingong Sri Angkarabhumi,
washa wasittha ring wanacala,
Sang Apanji ngucap alon,
wnang sun akuwu iki,
nora anggrusak larangan. 58.
