KIDUNG PANJI SUMIRANG, GERIA GDE BALAYU, 54
67a| Sang Apanji tur asocca,
asalin basahan,
kaya rupa dangu,
sira Sang Raja-putra,
wus putus sira asudi. 135.
Sang Panji Sumirang prapta,
ambaca aérdann-ya,
tumut tadah-suruh,
munggah ring singhashanna,
alinggih sira sumanding. 136.
67b|Radén Indu angling aris,
alamma ingsun kadalon,
apti amukti ring sredah,
mangké ring praptan nira,
lwir trenna taru-aking,
prapta linawad ing riris,
tustha lumung milet ing wredaya,
Sang Apanji ngucap alon,
sampun jumbuh amuji,
amucanga mas Pangéran. 137.
Anyumput sdah sang pekik,
anuli ngucap alon,
ganggu yayi ujar ingwang,
yén sira shih sumepera,
mara ring bumi Keling,
urung ngong maring Kadéri,
suka ingsun sanak maring sira,
Sang Apanji ngucap alon,
sampun sira agung-branti,
wkas ignsun umarekka. 138.
Misha-Ruditta angucap,
sampun Susuhunnan,
kasalon dohan laku,
supta lumampah,
minusthi maréng Kadéri. 139.
Rangga-Wiradda angucap,
singgih mas Pangéran,
yén ahiha Pukulun,
68a|satuwek ing rasha,
bcik umangsul maring Keling. 140.
Gumuyu sakwéh anangkil,
samma sukkéng twas kadalon,
noranna apti mintara,
wareg ndah tan pamangan,
anon arupa sidampatti,
lwir Hyang Smara amangku ratih,
nuli praptatadah sopacara,
sira Panji ngling alon,
anadahan Ndrepatti,
sampun agung apopoyan. 141.
Asmu guyu sang apekik,
wus pareng nadah dumudon,
Radén Indu ngraséng nala,
tumon sira anadah,
wancin nira lwir istri,
yayéniris araséng ati,
norana kang rasha angénakka,
awussan nadah karo,
kang wong ira amukti,
prasamma asukan-sukan. 142.
Kén Prasanta kataluha,
jumbuhan arawina,
kwéh ujar anembur,
Kén Ujil angucap,
kayatinadak ing Widi. 143.
Gumuyu wong anadah,
68b|sampun aluwaran,
Sang Apanji muwus,
anonton Pangéran,
ana tta punang kaméni. 144.
