KIDUNG PANJI SUMIRANG, GERIA GDE BALAYU, 55
68b|Dawuh sapta sira wijil,
kagyat suminggah kang wong,
prasamma ya kawewegghan,
kédep nora manusha
bangun Hyangning Masirgendis,
sampun sira samma linggih,
kawong prasamma lungguh atatta,
kang kaméni anglakon,
luli lali ring tangkis,
jumujug kaya pratimma. 145.
Sang Apanji angling aris,
lumampah kitta anglakon,
umuni punang gamelan,
udanning kawong asolah,
lagun-ya prataméng gati,
tan lén sabsab ing Singhasari,
kang wong nonton gawok ering sang/
Natta,
Sang Panji ngucap alon,
singgih Sri Krettapati,
amit ngong angrasa supta. 146.
Radén Indu Tinilaran,
sumbrambah ring nala,
kari asmu mangu,
nora nonton-tonnan,
asembawamusthin ing kapti. 147.
69a|Kang timbira dawuh jangga,
Radén aluwaran,
manjing sira turu,
gumantya rahinna,
noranna matra atangi. 148.
Sira Panji wus atangi,
aya smara ring paturon,
wong ira samma wus ayas,
prasammanut lampah ira,
marek ing Radén Mantri,
Radén Indu kari aguling,
sira Panji sumurup ering wésma,
angamer lampah alon,
dagan nira alinggih,
asengsmitta tur angucap. 149.
Duh singgih Radén Mantri,
sampun gung turu kadelon,
mawyahawnes warnan nira,
prapta nira ring Deha,
Radén arasha angipi,
katurunnan Sang Hyang Ratih,
garjitta ungu ngege mihastha,
sang ginamel kalaron,
kumetug maras ering ati,
kaya wong wuwus pinrejaya. 150.
Lwir tan sidda ring rahasya,
mangké Lampah ira,
tan wun sirnna lebur,
dénSri Natta-sutta,
marmma ta ya ngling aris. 151.
69b|Singgih Sang Sri Natta-sutta,
wakkana bujan ningwang,
sampun laréng Pukulun,
paran polah ira,
angamel ikang wong laki. 152.
Radén Indu angling aris,
sampunnanna kang lalakon,
guyan ingsun anumpenna,
amupu wadu lwir sira,
asmu guyu sira kalih,
wéning kumenyep ring kapti,
prapta Rakriyan Mahisha-Ruditta,
tumuli matur alon,
singgih Sri Narapatti,
kang bala sampun tumihang. 153.
Artha-banda mattalingir,
kang rinampas uni linakon,
sampun samma katura,
dé ari Sri Naréndra,
Radén Indu nawurri,
lintang shih ring wong atti-branti,
yayi ingsun muhun lumampaha,
anut sira anglakon,
yén sihan nira yayi,
sukan ingsun lumampaha. 154.
