KIDUNG PANJI SUMIRANG, GERIA GDE BALAYU. 53
65 b | samma sukamuji-muji,
ware lwir baskara karo,
mangké prapta pananggraha,
66a| Sang Apanji ngucap,
anadah kaka Mantri,
Radén Indu angling aris,
yayi pareng sira anadaha,
cucupang saparangdon,
tinut sanak astiti,
gumuyu Sri Panji sumirang. 125.
Duh singgih Sri Krettapati,
tarwnang ingsun saruron,
sikara sira anadah,
ingsun amukti sésha,
Radén asmu guyu angling,
asambawwa ujar yayi,
ndi nggon ingsun ngungsi kaya sira,
adasthawtunning wadon,
marupa lwir yayi,
sun makaharddanaréswara. 126.
Sosot ingsun mari sira,
mogghanut araséng astha,
Jati raséng wadu,
tut ing rupa cittra,
sungsang ngong patthi-urip. 127.
Yadyan ping sapta anyadma,
suka amrejaka,
Sang apanji gumuyu,
duh mas Pangéran,
asambawwa ujar Nrepatti. 128.
Panjat ingsun kang wong laki,
rikapan mangsil ing wadon,
66b| sampun sira angayamma,
mangké dén shih anadah,
anut sira Radén Mantri,
tadah samma alep asri,
Mamanissan badég lawan kilang,
anadah dumuddo tuhu dén ira asri,
umuni punang gamellan. 129.
Linawung redep kecapi,
gending cuing muni alon,
awwussan sira anadah,
kang wong samma anadah,
liwer sukka amukti,
tadah sama alep asri,
lwir guntur tiba niskul iwak,
Sang Mantri nadah adudon,
sama suka amukti,
shihan ira tuhu tauma. 130.
Kang wong samma wus anadah,
Radén Indu angucap,
yayi pareng aturu,
kinenyep ing nétra,
kapti tumakep kang lati. 131.
singgih Radén Krettenatta,
alumuh pakan nira,
wétning leréng tanu,
mimba karakettan,
ring angga Sri Narapati. 132.
Tumuru ta ya rimihin,
amuhun patik Sang Katong,
67a | lumampah tur maring jroha,
Sang Putri kalih amapag,
mwang Sri Mahadéwi,
sira Panji angling aris,
aja iba mtu maring yawwa,
tuhu yan karungon,
dén arahasya ring buddi,
unimba ring rashan ingwang. 133.
Sang Apanji gya lumaris,
sumurup maring paturon,
nuli asalin basahan,
angamét anak-anakkan,
pinangku ring astha kéri,
duh mas mirah ingsun laki,
lipuranna laréng sun Pangéran,
aturu sira ngépon,
supténg lara salatri,
nuli gumantya rahinna. 134.
