KIDUNG PANJI SUMIRANG, GERIA GDE BALAYU. 52
64b| Rahadén indu angucap,
duh singgih Sang Natta,
sang lwir smara-wadu,
nera sun amrangha,
sok kedwa apti lumaris. 115.
Ton lén anglawad danna,
maring bhumi Deha,
ana arin ingsun,
Dyah Candrakéranna,
puniku musthin ing kapti. 116.
Mésem ing twas sang inisthi,
asmu smitta ngucap alon,
Koka Sri Natta-sutta,
ayu pamusthihan nira,
yén sudi sira ring kami,
sumeper ing kuwu wong miskin,
65a| ni wruha ring dawala dinadak,
Rahadén ngucap alon,
yan siha sira yayi,
suka ngong sumeperi sira. 117.
Lumaris ta sira kalih,
samma munggwing kudda kawot,
sawawwa rupahan nira,
Rahadén lwir Hyang Smara,
Sang apanji lwir Ratih,
yén tuhu pinaké istri,
mangka lingi wong kutta-Wandira,
wong Korippa ngucap alon,
tuhujar ira yayi,
liwar sukan ngong umulat. 118.
Mogghashih ira Hyang suksma,
atut asanakka,
sira Hyung Sitangsu,
ring Hyang Manubawwa,
sukan ingsun tan sinipi. 119.
Akwéh yon wasittakna,
ujar ing wong lumampah,
kuneng lampah Sang Ayu,
mangké wus prapta,
ana ring wijil ping trinni. 120,
Tumurun ta sira kalih,
Sang Panji angucap alon,
papareng kaka Mingjroha,
sinambut astan nira,
65b | Radén Indu ngraséng ati. 121.
yaya tiki astanning istri,
atut warnna citréng prabangkara,
rempuh twasn-ya kallaron,
yaya ta ya iniris,
alon dén ira lumampah. 121.
Ring wijil pison wus prapti,
munggah maring mendapa-lor,
alungguh ring singhasanna,
sawawa rupan nira,
wong ira ana ring sitthi,
Misa-Ruditta muji-muji,
warnna sang mungguh ring singhasanna,
lwir lamma déra karon,
ndah tan ana pinalih,
surupadi warnnan nira. 122.
Sira Rongga angucap,
ih tuhu ujar ira,
lwir Sang Hyang Sitanggsu,
akaron ing Smara,
bhédann-ya abawa laki. 123.
Rakriyan Punta angucap,
ih tuhu ujar ira,
mogghashih apupul,
anut sira sanak,
ngong mrejaka pati-urip. 124.
