KIDUNG PANJI SUMIRANG, GERIA GDE BALAYU, 31
37b Umung tangisni nagghari,
prasamma tuut kalaran,
umyang swaranning ampuhan,
binarung ing walangkrik,
kungkang anembar ing parung,
pring bangmbang muni anarawwang,
prasammanut makingking,
tadaharshasret muni ring taru. 39
Ring pantaran ing lattri mwah/rahinna,
anjrah swaran ing satta,
38a panyalung long ing mbrak umung,
satawanna anjrit,
lwir anangis milu angarang,
bremara angisep santun,
tumut iya kelaran,
tan mari ya anggring-nggring,
rurun ing puspalwir gumuntur,
tumut iya alabuh parung. 40
U dan Nirade Dewi rashan ing/twas,
wilashan ing kembang,
rurunn-ya labuh parung,
prapti Sri madewi,
pinangku sira Rahadyan,
duh mirah atmajanningsun,
denta lwih klaran,
lalu tan sih ing Widi,
mangke nghong sudda salyan ing tanu,
saduhka bayapupul. 41
Tuhun kramanning dumaddi,
tan simpang ing suka nastapa,
sipatni-sipatning angegsang,
aywani nigung branti,
lipun-lipun ering tanu,
ri linnan ing ibun ira,
ana Tatwa ri ngunni,
Sri Reshi Wasista manggih uyung. 42
Satta puttran niwa enti,
binaksheng raksha sang sodda,
angde lara tan shopamma,
38b ring sang mahayatti,
kedwapti tumutta lampus,
wetning alara kabaran,
mungeng tan wruh ing lari,
ap tinn-ya alabuh parung. 43
Dadya sira labeh-agni tan ka/daha,
pan sinangganganning imma,
tuhu sira umangsul,
wasahamlanting,
rujitta [...] pasa,
pasa ta atmah banyu,
wasa nibeng jurang,
katub lwir kapuk salempir,
apga twas Sang Mahabikshu,
derapti pjah tan antu. 44
Nistha lara tibranti ndah/tarluhya,
sire kriyanning Dwija,
marmmanning sirleng laku,
mwah Sang Hyang Wrettajit,
sira angudang ing pekat,
liwar dera ngamu-amu,
ri prapta Hyang Yamma,
kang pekat kagyat awedi,
enti krodda Hyang Saptakretu,
sinapa atmahantu. 45
Wuwus pjah ikanang pakshi,
nalan nira Sang Hyang Sakra,
kedwapti ri uripning pekat,
umarek siraglis,
39a ring padda Hyang Mahulun,
mupakshamma paddan ira,
kamurippanning pakshi,
tan wuripam wus sambayeng antu. 46
