KIDUNG PANJI SUMIRANG, GERIA GDE BALAYU, 32
39a Duh mangkanna lingning/Aji,
suka-duka nda tan kinas,
Dyah Candrakeranna ngucap,
duh liwar shih ing bibi,
andamma wong kawlas-iyun,
Dyah Ranten-aji angucap,
malsulla mangke nini,
sun-yan ing pagreha ya dinulu. 47
Ndah tankonanga lumaris sigra/prapta,
ana ring pagrehan,
Dyah Candrakerannaturu,
tan mari anangis,
Sri Madewi sigra prapta,
Rahaden Dwi pinkul,
rinemih anhujar,
kuneng Sri Narapati,
Dyah Ratna-ajeng sira pinunjul
tan sah pareng alungguh. 48
Kawarnna Sri Nateng kling ngapi/wretta,
pjah sirayin nira,
wus tinibannan eracun,
Ni Liku miranti,
nuli nijin Sri Naranatta,
tinangkil ering salu-agung,
39b Raden Indu prapta,
angling Sri Narapatti,
sirebun ira ring Deha antu,
kinala deseng Liku. 49
Liwar wlas ingsun kaki,
ring nini Dyah Candrakeranna,
Sri Natta angdoh ing nala,
tinilari bibi,
mangke ta kaharep ingsun,
anggawe anakka-nakkan,
panalimuri kingking,
Rahade Indun embah anuhun. 50
Raden Indukrettaptti,
cinitra ring tahullan mas,
sinembur ing ratnamaya,
kinarangan mannik,
wus binungkus den ing kadut,
tinaliniing wnang rakta:
tahulan nekel sawiji,
sela bentar panumbak puniku. 51
Ingulessan lungsir wilis,
mur dewangga,
rinurubban jingga,
tinhreppanning mas anjur,
rupann-ya nggrawit,
angling sira Sri Narantta,
Kaki Demung sira lumaku,
wawanen mrantakka,
mun-yan ta ring paminggir,
sira Demung anembah sumuhun,
40a aluwara Sang Prabhu. 52
Prabatta sira lumaris so-/pacaran,
mrantaka lumarap,
rong atus wadwa adulur
ndah koningeng marggi,
wingsati kulem lumampah
prapta ri tpin ing negantun,
gumuruh mbrantaka,
kagyat kang wong Kaderi,
pada nambut sanjatta umetu,
kang otussan lumaku. 53
Kuneng sira Sri Ndrepatti,
tinangkil anna ring pangastriyan,
parek punang tanda-rakriyan,
kang otusan prapti,
sira Pangalasan metu,
pinapa sireng laranghan,
ken panglassan angling,
wawu prapta Sri pangeran . Dmung. 54
