KIDUNG PANJI SUMIRANG, GERIA GDE BALAYU. 16
18b|Anyugjug ring sendang aglis/
mupakshamma,
ring Hyang Ratnangkara,
tumurun ta sira adyus,
antyanta panasning warih,
lwir kinlar assanning citta,
Sri Natta-sutta tumurun,
tinut brahmangkura,
kang wong samma umiring,
prasamma wus mentas sakéng banyu,
lwir muksuh laréng tanu. 120.
Tuhu ndah tan pasiring,
yadin sasor ing akasha,
rinubung dén ing ratnangkara,
nirtikta ikanang warih,
tuhu pakning Hyang Mahulun,
nora awor ratnangkara,
nimaladrah astiri,
pasang surud samudra tan lutur. 121.
Munggah ring Gandawari,
19a|tibanning bun lwir warsha,
dumilah ring agran ing trenna,
lwir kembang ing mlatti,
naksatra pwa ya sumunung,
prakirnnang sodda liweran,
amaddang ing pesisi,
sitanjang akrep lwir apupul. 122
Kang wrekshapidadda nginggil/
lwir dikshitta,
basahan sudda ptak,
dén ing limuté sumaput,
aja tta ebun aputih,
asawit tatit angedap,
swarann-ya gereh gumuruh,
sang tanjang umulat,
suka tumut akinkin,
sigra marek siratur amuwus,
singgih Sang Mahabhiksu. 123.
Ngong lara tan sinipi annadi/
tanjang
ring tepinning tuban,
dén tulus sih Sang Biksu,
ring tanjang kawlas-ashih
kapéngin ering kadiksitthan,
aptiné asuruddayu,
malar shih Sang Dwija,
wiyaran ing akingking,
anubhawa Dwijéswara asung,
marmmangkwa manggih ayu. 124.
19b|Yadyan saméru sapratiwi,
bwatning kang klésha bara,
wisarjja atmahan muksah,
sirnna ya kawéri,
dén nikang ganggawisudda,
kasarbwannyannan Sang Wiku,
lwir jronning udaddi,
sirang pidaddasukka angrungu. 124.
Ndah tab kawasitta malih,
wuwus putus ingaskaran,
Tatwan nikang astapakka,
ngling Sang Mayatti,
naku sida suruddayu,
mangké dé pun iyatnéng ulah,
asthapaka subratti,
aywa sira kagindal éng wuwus. 125.
aywa marumingéng bhukti aywa gila,
pamyakténg suci campur,
dén ing samyajnyana putus,
Tatwanning satwa boddi,
yang ering Siwwa Sudda Sridanta,
padan ipun ering ahayu,
[an tan rwa Hyang Awidya,
ginuhyéng ereddi,
Triyaksara tmah WONG Kara/
pinupul,
trikonarih wkasning tuduh. 126
</blockqouter>
