KIDUNG PANJI SUMIRANG, GERIA GDE BALAYU. 17
19b Nihan tekang Sastra kalih-/n-ya adwaya,
lawan adwayajnyanna,
20a wisarggha nuswara iku,
pasukn-nya aneng ereddi,
byakta atma suryya Sasangka,
kumba karecak kang lebur,
geng nikang malatraya,
gempung tlas dinasdi,
enti arsha sang winisikkan tuhum
namaskara anuhun. 127.
Yan ayogya tulus pakna shih,
Sang Sri Dwieswara,
anu bawwa warshadnyanna,
ri parok nikang kalih,
ilang ing lupa mwang tutur,
ndi nggwann-ya pasang yoggha,
ling ira Sang Mahayatti,
wit adibya takkwan ta punniku. 128.
Syapa wauh ri wkasning langit,
nirtekang sarwwa pinaksha,
bawann-ya lawan abawahan,
nir tang puja sasmreti,
alangganiya nirtuduh,
sidda pri Sang Yogiswara,
wruh ngong ri rashan ing bhumi,
nglimbak-limbak angungguh-ngungguh. 129.
Panggridun ing Sang Hyang Kalih/amiyogga
kweh wong asisisyan,
catur kang wong mapiwwuh,
ri Tatwanning kang Sastraddi,
20b|tka kamaggahan twas ingwang,
anggrunguh ujar ireku,
ih kitta Si Tanjang,
rengwakna wuwus mammi,
den kukuh umangu iyasha tuhu,
tepin ing pasir puniku. 130
Si Tanjang tan kagingsir ing/samudra,
tumut Sri Omma-pidadda,
mangke wus praptang rahinna,
Wanindra-desha sutrepti,
umung swaran ing keperan,
Hyang Suryyamtu sumunung,
anleh ing kaywan,
katon langenning ukir,
rakta bajra rumambe ya luhur,
ana ring jron ing talun. 131.
Pinarek ing latawilis,
trenna mayura lwir utan,
supnuh ring jenggela wiyar,
darbano ya ring pinggir,
tinub ing andilakumyus,
bhinarung aswaranning tuban,
lwir surak ing anggerit,
kagyat tang sattwa ajrih melayu. 132.
Brahmangkura singghra prapti,
Wirakumnuh ya ingaran,
egar angamet brahmasara,
siknas iya winedil,
ndah tarkna lwir gumuyu,
lumampah alon-alonnan,
ulatn-ya nolih amanis,
kang mateya akweh mellayu. 133
Krodda andaja sang muni ya/lumampah,
Si Senghara ingaranan,
sigghra angamet patrum,
siknas kna winedil,
sampun iya tta inapussan,
Wiraniten amumundut,
wus prapta ring samudra,
samma sukkamuji-muji,
sinnangsipta kang mateya mlayu,
akweh anempuh parung 134.
