Kacrita jani Prabune di Koripan, madue oka lanang asiki,
suba ngantiang anom. Jani ngantiang odalan Ida Raden Mantri.
panjak Idane makejang lantas kadauhin, kapangandikaang ngaturang
pangayah nebuk ka puri. Men Tiwas masih orahina. Mara dingeha
ada arah-arah, lantas Ni Luh Gading ngomong teken Men Tiwas,
"Ih Meme, tiang ja baang ngayah ka puri, nah, Meme jumah ngijeng!"
Masaut Men Tiwas, "Ah, awak cenik sada pangkah dogen,
apang ada kedekina, anak liu ditu ngayah, kaden buka dini suung".
Ngomong buin Luh Tiinggading, "Nah baang ja nah Me nah.
Apang nawang tiang puri. Gaenang men tiang elu cenik".
"Nah keto ja kema, nyen da kual di puri, nyen menggahina
teken Anake Agung". Ditu lantas Men Tiwas ngalih buluh ke-
dampalan alawas lakar baanga pianakne. Buin mani semengan Ni
Luh Gading ngomong teken memenne, "Ih, Meme, kema ja uligang
tiang sera nyang asibak, lakar anggon boreh!"
Masaut Men Tiwas tengkejut, "Yeh ne kenken sih I Cening
dadi sera anggon boreh?" Nyen ya kodag baana timpale maakin".
"Nah te kema gaenang!", keto omong Luh Gadinge, lantas
Men Tiwas nguligang sera. Suba pragat, lantas Luh Gading ma-
boreh, laut majalan.
Kacrita sasubane neked di puri, makejang anake uyut nekep
cunguh. ngorahang Luh Gading mebo sere, kene munyinne, "Dong
klamakan dogen Men Tiwas, pesu-pesuanne amonto cenikne. Ngaba
lu pabungbungan, tur mebo sera. Ne kemo laku, sing kodag baan
ngadek!" Luh Gading lantas nyrutcut ngalih tongose suung. Ditu
ia nebuk padidiana. Buin akejepne lantas rauh Siramadewine, wireh
mireng anak uyut.
"Ih apa sih kuyutang aah, magarapan, yen magarapan ja
selegang, da mayus omong dogen keto", keto pangandikanne, lantas
ada anak masaut, "Sampunang ja menggah, indaang ja cingakin,
pesu-pesuan Men Tiwase, kalud lu aji pabungbungan, buin mebo
sera. Dong jegeg san gobanne". Ni Luh Gading mendep dogen.
Siramadewi ngandika, "Ih Cening, saja kone mebo sera, tusing taen
kayeh keto nyai?"
"Tan wenten", keto atur Luh Gadinge, sambilanga nguntul
wireh kaimud.
"Yeh, ento padidiin nyai ngelah pagaene nebuk? Ye. ih, mai ja tingalin ajak makejang, da te kedekina dogen anake, pelan pa-
- 96 -
