nukub umahe. Sedek ia repot ngalihin ane jemaka, tusing asena
teka bakat gampesa payuke, nganti ulung ka patuanganne. Ditu
lantas payuke belah sigar mabrarakan, lantas pesu anak cenik luh
uli payuke belah ento, sawetara matuuh pitung tiban, jegege tan
kadi-kadi, ngeling mapulisahan di patuanganne, sambilanga mase
sambatan, "Dong, kenken kaden Bapa Tiwas, saking gantin Bapanne
tuara dadi sugih. Mara amonto ne Bapa ngelah suba Bapa lenga
teken tiang. Gantin tuah Bapa akejep ngajak tiang dini. Yadin
kenken baan Bapa ngengkebang tiang, suba sinah makelo-kelo liu
anake tau". Mara keto munyinne anak cerik ento, ngenggalang
Pan Tiwas macebur uli ba duur laut ngaukin kurenanne. Kurenan-
ne enggal nyagjag, sambilanga ngempeng jun misi yeh atenga, wireh
ia teka uli nyuang yeh, mara turuanga atenga, dingeha kurenanne
makaukan geleh tur mamunyi makateprug. Ngengap Men Tiwas
matingalan, kadena kurenanne kenapa, lantas tingalina anake cerik
ngeling.
"Yeh, ih, ih, Pan, Bapanne, nyen ngelah pianake ajak cai
jumahan meten?" Lantas Pan Tiwas nuturang undukne ne mara.
Mara dingeha ban Men Tiwas tutur kurenanne keto, entunganga
junne, lantas ia ngenggalang nyaup anake cenik lantas abina. Ditu
I Tiwas luh muani nakonin anake cerik, "Dong, jero, jero alit, sira
jerone madue okane, ring dija purin jerone, dadi jerone kene dadi
payuk? Indaang tuturin tiang!" Wireh kedeh I Tiwas, pang kuda-
kuda nyumunin matakon, dadi ngomong anake cenik sambilanga
sigsigan, "Nah, ah, ah, wi reh, eh, eh, suba kene unduke, jani tiang
tuturina, kewala Bapa, Meme pada, apang sekep. Yen Bapa lejeh
ngorahang teken anak, tusing buung tiang magedi uli dini. Lamun
Bapa, Meme pada tusing nawang, tiang suba okan Prabune di Daha.
Nanging tiang lacur, tiang dadi jlema kekutangan". Ditu Ida Raden
Galuh nyatuaang undukne uli panyumu nganti duduka teken Men
Tiwas. Ida ngandika tan mari nangis, baan eling teken nraka ragan-
idane. Suud ngandika keto lantas Ida mawecana kene, "Nah ne
Meme, Bapa pada, da pesan ngomong nyinggihang tiang, anggon
tiang caraang pianak, apang da enggalan anake tau. Adanin tiang,
ih, dija wit Memene gati?"
Men Tiwas ngaturang dewekne uli Tiinggading.
"Nah, kaukin tiang Ni Luh Gading, akuin tiang keponakan!"
Keto pangandikan Raden Galuh Daha. wireh keto saturut I Tiwas
luh muani, tur Ni Luh Cading kasayangang pesan.
-95-