payu". Makejang anake ngamusuhin I Bagus Diarsa.
Kacrita, siape suba pada kelebang, nangingke siape tusing
maan mapalu krana siap I Bagus Diarsane mlaib ka duur guungan-
ne, lantas makruyuk. Siape buin ka sambut. Sabilang siape kelebang,
siap I Bagus Diarsane keto dogen sai-sai, kanti siape kelebang di
bawak. Mara siape kelebang di bawak, lantas siap I Bagus Diarsa
ne makeber tur ngebug Ida Sang Prabu nganti seda. Siape lantas
mlaib. Anake di tajen pada makolongan, ada ne mlaib nepak
kulkul lakar ngrejek I Bagus Diarsa, krana karaos ia ngaba daya
jelek. I Bagus Diarsa mlaib kumahne, lantas ia mabresih nganggo
sarwa putih, krana suba nyet sing tara lakar karejek.
Kacrita sikepe suba ngiter umahne I Bagus Diarsa, critaang
nget teka siape matinggah di nebe, lantas ngomong, "Ih cai Diarsa,
da cai jejeh kai nulungin cai jani". Siape lantas masiluman dadi
garuda tur I Bagus Diarsa negak di tundunne. Makejang sikepe
pada jerih tur nungkul teken I Bagus Diarsa. Jani I Bagus Diarsa
nyeneng ratu ngentosin Ida Sang Raja Dewata. Sabilang semengan
Ida tangkilin baan panjake. Makejang panjake tresna asih teken
Sang Prabu anyar.
Tan critaang Sang Prabu anyar, kacrita Ida Betara Siwa di
Suargan katangkilin baan watek resi makejang. Ida Betara Siwa
ngandika teken I Wiracita, "Ih cai Wiracita kema cai mulih, krana
bapan caine suba aget!" Anake cerik ento lantas mapamit sarwi
nyumbah.
Tan critaang di jalan, jeg anake cerik ento negak di tengah
panangkilan Ida Sang Prabu anyar. Makejang kaulane ngon, ningalin
sarauh okan Sang Prabu anyar buka keto. Ngawit ento maweweh-
weweh tresnan panjake teken Sang Prabu anyar.
-88-