17. GALUH PAYUK
Kacrita Anake Agung di Dehe muah pramiswarinida daat
kasungsutan kayun, sawireh Ida tusing madue putra. Peteng lemah
pramiswarin ida matetaagisan dogen. Sayan makelo mawuwuh ka-
sungsutanidane. Doaning keto Ida Anake Agung nauhin baudandan-
idane makejang. Sasubane pepek pada nangkil, lantas Ida Anake
Agung ngandika, "Nah ane jani, Paman-Paman pada makejang,
sawireh suba makelo nira mrabian masih tonden nira ngelah panak.
Dening keto, ne jani nira ajak pramiswarin nirane, lakar luas kalase
nangun kerti, sing kaget apa ada paican Widi. maicain nira panak.
Sapakalah nirane, Paman Patih serahin nira ngisi gumine makejang
dini, tur Paman apang pageh nitahang gumine, kenken nira apang
keto abet Pamane!"
Sawireh kedeh pesan kayun Idane pacang lunga, dadi tusing
bani pepatih-pepatih Idane ngandegang. Buina mula baudandan Ida
makejang rep sirep takutne teken Sang Prabu.
Kacrita jani mamargi Ida, kairing baan pramiswarinidane
dogen, sawireh panjakidane tusing pesan kaicen ngiringang. Kacrita
pamarginidane sareng kalih, menek jurang tuun pangkung di tengah
alase wayah. Yen kudang dina kapo Ida mamargi, manggihin raris
Ida punyan baingin gede. ditu Ida mrarian. dening ditu pakayunan
Idane miasa. Ditu lantas Ida manglarang tongos miasa. Suba pragat
Ida sareng pramiswarinidane mamati raga.
Kacrita jani di Suargan, Ida Sanghyang Siwa liwat meweh Ida
makayunin, dening Suargane tan mari kebus tur tlapakan tangan Idane
tan mari medal toya, lantas kandikain parekanidane Sang Gagak-
petak, kandikaang natasin ka Mercapada, wireh kayunang Ida, sinah
ada anak nangun yasa. I Goak lantas majalan, ngungsi ka Merca-
pada. Suba ia neked di alase lantas ngindang mailehan, kanti
kenyel ia ngindang, masih tusing nepukin apan-apan. Ditu lantas
ajinanga ada punyan baingin gede buin tegeh, lantas Sang Gagak-
petak ngungsi punyan baingine ento, praya lakar mreren. Mare ia
menceg. teugkejut lantas Sang Gagak, wireh asena kayune kebus.
"Yeh apa ya krananne kayune kebus murub, indaang ja lakar
tatasin betenne apa ya ada", keto keneh I Goake. Lantas ia ma-
keber nganuunang, ajinanga Sang Prabu muah Pramiswarinidane
-89 -
