pipisne buin dadua, ento kanggon mayah pamelin rujak.
Paundukan Pan Angklung Gadange aketo, kapedasin pesan
teken I Wayan Sebetan, anake kasub sugih di banjare ento. Dadi-
annya dot I Wayan Sebetan teken kulukne ento, laut kadesekin
Pan Angklung Gadang.
"Ih Bapa Angklung Gadang, icang ja baang meli kuluk bapa-
ne, bayaha ja siu".
"Bik, kadong-aji alaksa Jero Wayan nagihang kuluk tiange,
lakar sing gediang tiang." Lantas buin kunjukin, aji duang laksa,
kanti aji petang laksa masih tonden baanga. Buin ngomong I Wayan
Sebetan, "ih Bapa Angklung Gadang,jalan suba aba mulihan kuluke,
limang laksa dogen lakar bayah kuluk bapane, sarina mani puan
yen bapa sing ngelah baas, mai icang idihin". Lantas I Wayan
Sebetan nyemak pipis limang laksa tur kaserahang teken Pan Angklung
Gadang. Pan Angklung Gadang bincuh nampi pipis tur ia mapi-
mapi ngrurauk mamangenang cicingne.
Tan kacrita Pan Angklung Gadang mulih negen pipis mag-
regotan, Jani kacritaang I Wayan Sebetan ngubuhin kulukne. Ka-
batek baan tangarne apang tusing di pisaga kulukne mejunang pipis,
lantas tegula jumahan meten, tur empek-empeka baanga ngamah,
kenehne apang lebihan mesuang pipis.
Kacrita buin maninne, I Wayan Sebetan luas mabalih, prajani
ia meseh mapanganggo ane melah-melah. Bening ia anak mula ajum
teken pagelahan, jani mabudi ninggarang kamelikan cicingne, kanti
nyelap ia luas mabalih tusing mabekel pipis, kacager kulukne lakar
ngadianang pipis.
Kacrita suba kone ia neked di pabalih-balihan. Beh, bek jejel
anake mabalih, muah dagang sarwa endah, ada ngadep woh-wohan,
ada madagang nasi, dagang tuak, buin dagang magenep sing bakat
baan nyarca.
Kocapan I Wayan Sebetan ngetakang cicingne, tumuli mreren
tur negak di dagang nasine, laut ia meli nasi, jaja, woh-wohan,
muah tuak pada kadaar ditu. Cicingne masih kabeliang nasi atekor,
kanti begeh basangne ngamah.
Dening cicing kamula berag, buin sing pati taen ngamah, jani
mara uling ibi kapepekang ngamah, kanti puntedan basang cicingne.
- 66 -