dulurin tonden maan meju, Nah, suba kone makelo I Wayan Se-
betan negak ditu mablanja, jani lakar mayah, lantas penekanga
cicingne di balene. Kenehne apanga tinggar cicingne mara mesuang
pipis, apang terang anake pada ninggalin. Dening keto, makejang
anake pada gaok ningalin laksanan I Wayan Sebetan. Ditu I Wayan
Sebetan sumingkin mraras ningtingang ikut cicingne. Suba kanti
mluing jit cicingne, lantas caploka tur klecot-klecotanga, limanne
sambilanga mespes-mespesang basang cicingne. Dening basang cicing
suba puntedan, kanti ngencotang pesan I Wayan Sebetan ngiup jit
cicingne, kandugi magadeblos memesu tai katos macelep ngliwat
kakolongan, cangkemne masih bek ngemu tai. Kanti keles baana
nyanggem jit cicingne, lantas telah tainne katos, dadi tai mising
makecret, bek tangkahne muah kambenne I Wayan Sebetan mague-
gue kena tain cicing mising, bonnyane mayuryuran ngebekin warung,
kanti onya rarud anake mablanja ditu, kayang dagang masih uyut
makwewengan, tuara kodag ngadek bonne pengit marungan.
Kocapan I Wayan Sebetan ngencolang ia bangun tur mlaib
ka tlabahe, ukek-ukek delu-delu utah utah; malebleban ia di tlabahe
sambilanga ngumbah panganggonne. Suba keto nglaut ia mulih ma-
panganggo belus. Di subanne neked jumahne, ngenggalang ia meseh.
Ditu ia mara mrasa jengah pesan, inget teken undukne mablanja
masih tonden mayah, kandugi ngencolang ia nyemak pipis tur ka-
titipang katundenang mayah pamelin dedaarane, ne daara i busan.
Uling sekat ento I Wayan Sebetan tusing pati juari pesu
nganggur, dulurin liu anake pada nyenggakang, kene sesenggakan-
ne, "Sasukate ngelah punyan pipis taen ngelek tain cicing".
Nah jani buin critaang Pan Angklung Gadang. Suba kone
kasuen-suen, lantas ada saya teka ngarahin Pan Angklung Gadang,
"Bapa Angklung Gadang, icang mapangarah, buin mani sangkep-
ane di banjar, apang bapa mungkah utang bapane di banjar. Yen
tusing nyidaang mungkah buin mani, umah bapane lakar madep
teken banjare, salah bapane ban tusing mayah putra duk sangkep-
ane di dua bulan, dadi nikel putra. Buin duk sangkepane ne abulan,
masih bapa tusing mayah putra, sangkal nikel ina. Bapa mutranin
siu dadi jani duang tali, buin mani bapa sengkerne mungkah", keto
munyin anake mapangarah, laut magedi.
Jani Pan Angklung Gadang buin nuptupang daya, laut ngauk-
in kurenanne, "Memenne, awake buin mani lakar nekaang tamiu
- 67 -
