saput tur majalan sambilanga ngaukin kulukne.
Kacrita jani krama banjare suba pepek masangkepan, ditu
laut Jero Klian ngujangang kramane ne mutranin.
"I Sendi".
"Tiang nika".
"Naur nika!". Sret ngembud satakan laut mayah.
"I Tampul".
"Tiang Mangkin, mangkin, tiang naur". Krasak-krisik ngagah
bebuntilan nglaut mayah. Nah suba kanti pragat pailehne nuduk
putra, jani buin Jero Klian ngujangang, nuduk bebakatan ne tuara
sangkep abulan.
"I Lambang".
"Tiang, naur nika". Geblos mesuang pipis uli di pakadutan-
ne tur metekang nembelas keteng.
"Pan Angklung Gadang".
"Tiang, mangkin, mangkin, tiang naur nika". Ditu laut Pan
Angklung Gadang masebeng rengas, tur ngaukin kulukne, "Kuluk
kuluk kuluk, kletak kletak kletak". Duk ento, nujuang kulukne di
batan padagangan anake nyilap-nyilap tekor. Mara kulukne ningeh
munyin pamekelne, lantas ia nyagjag, ikutne kitir-kitir. Jero Klian
buin nulakin ngujangang, "Pan Angklung Gadang, kenken, mayah?"
Krama banjare makejang matolihan medasin sasolahan Pan Angklung
Gadange.
Pasaurannya Pan Angklung Gadang, "Mangkin tiang kari
ngambil jinah". Ditu laut tendas cicingne kasorogang. ikutne ka-
kenjirang, kanti mluing jit cicingne, laut kacanggem aji bungut tur
klecot-klecotanga teken Pan Angklung Gadang, lantas ia nguntul
nglepehang pipis uli di bungutne, laut kapetekin kanggon mayah de-
dandan nembelas. Nu mesisa pipisne dadua, lantas anggona meli
bubuh.
Beh, krama banjare makejang pada ngon pesan ngenehang
sadian Pan Angklung Gadange ngelah cicing bisa mejunang pipis.
Pan Angklung Gadang buin makeneh-keneh dening ia nylepang pipis
duang dasa, kapesuang mara plekutus, jani nu dadua di jit cicing-
ne, laut ia meli rujak aji dadua. Suba suud naar rujak, laut ngauk-
in cicingne, "Kuluk kuluk kuluk, kletak kletak kletak". Lantas
nyagjag cicingne, ikutne kitir-kitir, tur buin kaklecotang, memesu
-65 -