ninjak enggalan kagelut cokor Idane teken Pan Angklung Gadang
sambilanga matur sisip, "Inggih Ratu Dewa Agung, duaning Cokor
I Dewa ngandikaang titiang, lamun ada ulung uli di jarane, duduk
nyen, penpen di kompeke, asapunika pangandikan I Dewane ring
titiang. Sane di wau wenten kantenang titiang macepol saking kuda-
ne, raris duduk titiang tur genahang titiang ring kompek pacanangane.
Inggih sane mangkin, yening titiang kabaos sisip, durusang
puputang titiang ne mangkin!"
Mara keto kapireng atur Pan Angklung Gadange, raris Ida
meling teken pangandikane i tuni ; kabawes-bawesang ragan Idane
iwang-ngandikain I Angklung Gadang, mawinan prajani Ida ledang
tur ngaksama teken Pan Angklung Gadang.
Kacrita buin puanne, buin Pan Angklung Gadang kandika-
ang ngiringang masiram, tumuli Ida mamargi ka tukad kairing ban
Pan Angklung Gadang. Di subane rauh di tukad, raris Ida makayun
makebotan, tumuli Ida nyongkok duur batune di tengah tukade.
Pan Angklung Gadang masih bareng nglesitang kamben, nyongkok
duur batune di luanan Ida Anake Agung, tur ia maseden, mligedan
mesuang bacin. Kandugi bendu pesan Ida, tumuli kajambak bok-
nyane Pan Angklung Gadang, tur kasilemang kanti slegak-slegak.
"Jani suba taanang dosan ibane langgia tur tan pasemu teken
gelahe".
Mara keto dingeha pangandikan Idane, laut Pan Angklung
Gadang ngenggalang nulengek tur nyumbah nunas pangampura,
"Inggih Ratu Dewa Agung, boya ja titiang sangkaning langgia ring
Palungguh Cokor I Dewa, mula titiang mamanah subakti pisan ma-
marekan ring I Dewa. Sakadi mangkin I Dewa makoratan, bacin
Cokor I Dewa anyud ngatebenang, manah titiange mangda rauhing
tain titiange taler bakti ngiring bacin Cokor I Dewa", keto aturne
Pan Angklung Gadang, kandugi ica Ida Anake Agung, nuli ngandika,
"Nah Pan Angklung Gadang, jani kema suba mulih, suud suba iba
mamarekan teken gelah!"
Suba kone keto kacrita jani Pan Angklung Gadang nongos
di Desa Anu ngajak kurenannya, tur ngelah kuluk berag abesik.
Kacrita ne nyanan dauh telune, banjarane lakar masangkepan. Dadi-
annya Pan Angklung Gadang inget teken dewekne danda, bane
tuara sangkep ne abulan. Lantas ia nagih pipis duang dasa teken
kurenanne, tur clepanga di jit kulukne. Suba keto laut ia nyemak
- 64 -
