"Tusing, tegarang ditu di tebenan takonang teken Sang Udang!"
Ngatebenang lantas I Bawang, tepukina Sang Udang.
"Sang Udang, Sang Udang, iane nepukin taled adin icange?"
"Tusing tegarang kema ditu takonang teken Sang Yuyu!"
Buin I Bawang ngatebenang, tepukina lantas Sang Yuyu.
"Sang Yuyu, Sang Yuyu, iane nepukin taled adin icange?"
"Tusing, tegarang ditu takonang di tebenan teken Sang
Nyalian!" Buin kone I Bawang ngatebenang, tepukina lantas Sang
Nyalian, Sang Baboso, mara takonina makejang ngorahang tusing
nawang. Tau teben gati tepukina lantas Sang Kaipi.
"Sang Kaipi, Sang Kaipi, iane nepukin taled adin icange?"
"Tusing, tegarang takonang ba duuran teken Sang Rangsasa!"
Menekan lantas I Bawang ngojog umah I Rangsasane, ditu lantas
ia kauk-kauk, "Dadong, Dadong".
Masaut lantas I Rangsasa, "Nyen ento kauk-kauk?"
"Icang I Bawang. Dadong nepukin taled adin icange?"
"Tusing, mai ja malu, alihin dadong kutu akejep!" Kemo lantas
I Bawang, ngalihin I Rangsasa kutu. Mara kebitanga bok I Rang-
sasane, geleh lantas I Bawang ningalin kutun I Rangsasane paseh-
seh amun-amun gemele gedenne.
"Apa kuyutang cening?"
"Sing, icang tusing nguyutang apa". Sabilang maan kutu a-
besik celopina teken I Rangsasa. Suba suud makutu, tundena lantas
I Bawang nyakan,
Matakon I Bawang, "Dija nyemak baas Dadong?"
"Ditu jumahan beneh kaja di pulune!" Mulihan lantas I Ba-
wang. Mara ungkabanga pulune, teka bek kone misi uled, geleh
lantas I Bawang.
"Apa kuyutang cening?"
"Sing icang tusing nguyutang apa". Mara I Bawang nakonang
saang, patujuina kone tulang. Mara nakonang yeh, patujuina getih.
Nah gelising satua, kacrita suud kone I Bawang nyakan,
kaukina lantas dadongne, "Dadong, dadong nasine suba lebeng,
dong mai madaar!"
"Enden malu, dadong tonden seduk". Suba kone peteng,
morahan lantas I Bawang lakar mulih.
-51-
