kone padine teken I Bawang. Di subane suud nyidi, tundena lantas
adinne napinin.
Masaut I Kesuna, "Tapinin ja malu, nyan oke ja ngaba
mulihan jijihe". Lantas napinin kone I Bawang.
Suba suud napinin, nglantas kone iba-ibana nyuun jijihne
mulihan, sambilanga ngwel, "Kene dogen bikas I Kesunane, beg-
beg oke nganuang, oke nganuang dogen, lasia iba-iba suba ngaba
mulihan jijihne". Di subane mejang jijihne, nglantas kone ia nyemak
jun luas ka kayehan.
Jani I Kesuna glilinganga kone ibanne di oot pesake apang
ia kadena mragatang nebuk teken memenne. Suba keto teka lantas
memenne uli peken, dapetanga I Kesuna monotan nguyak oot,
lantas ia matakon teken pianakne I Kesuna, "Kesuna Kesuna,
emboke I Bawang kija?"
"Kija kaden, anak uli makalah memene ia magedi, ne jijihe
icang padidian mragatang nebuk".
Jani kacrita kone I Bawang suba suud ia kayeh, lantas ia
nyalud yeh abana mulih. Mara neked jumah laut welanga teken
memenne, "Kene dogen bikas I Bawange, sing pesan bisa madalem
adi. Adine padidiana nebuk, nyai teka itep kayeh, ngresikin iba
dogen gegaen nyaine, sai-saiang ibane keto!" Masaut I Bawang
mlawanang dewekne, nanging tuara guguna teken memenne. Suba
keto ngomong buin memenne, "Bawang, Bawang. ne baanga ja jani
gegaen. Kema panting taled adine ka tukad!" Nyrutcut lantas I
Bawang luas ka tukad ngaba taled telung bidang. Suba neked di
tukad, lantas I Bawang memanting. "Koplek-koplek, ye plek-koplek
ye anyud". Anyud kone taledne abidang. "Koplek-koplek, ye anyud".
Anyud kone taledne buin abidang, jani nu taledne buin abidang.
Suba pragat memanting, lantas ia mulih.
Di subane ia neked jumah, lantas morahan ia teken memen-
ne, "Meme, Meme, talede anyud duang bidang". Mara keto piorah-
an pianakne lantas pedih memenne. "Ngenken dogen I Bawang ka-
bisaanne, teken memanting taled tuara keduman baana. Kemo
alihin talede, lamon tonden bakat da mulih!" Tigtiga lantas I
Bawang teken memenne. Ngeling lantas I Bawang nganyutnyutang
mesuang, ngojog ia ka tukad lakar ngalih-alihin taledne. Suba neked
di tukade, tepukina kone sang testes.
"Sang Testes, Sang Testes, iane nepukin taled adin icange?"
- 50 -
