Masaut I Rangsasa, "Cening Bawang, cening ngantiang mulih,
dadong sing ngelah apa, apa men baang dadong cening? Dadong
ngelah waluh dogen, nah ento alap waluh dadonge. Da alapa ane
kelod kauh, ane kaja kangin alap!" Alapa kone waluh I Rangsa-
sane ane kaja kangin teken I Bawang lantas abana mulih.
Di subane neked jumah, dapetanga jlanan umah metenne suba
makancing, ditu lantas I Bawang makaukan, "Meme, Meme ampak-
in icang jlanan!"
"Nyen ento kauk kauk, I Bawang? Jabin tomplok tendasne aji
pabungbungan". Buin kone I Bawang makaukan, "Bapa, Bapa,
ampakin icang jlanan!"
"Nyen ento, I Bawang? Jabin agel tendasne aji saang kandikan".
Jani I Kesuna kone kaukina, "Kesuna, Kesuna, ampakin Embok
jlanan!"
"Nyen ento, I Bawang? Jabin tomplok tendasne aji blida".
Dening makejang tusing nyak ngampakin, magedi lantas I
Bawang ngojog kumah dadongne. Ditu lantas dapetanga masih
jlananne makancing, makaukan lantas I Bawang, "Dadong, Dadong,
ampakin icang jlanan!"
"Nyen ento I Bawang?"
"Icang".
"Enden malu, dadong nu ngendihang tabunan". Suba ngendih
tabunanne, ampakina lantas I Bawang jlanan.
"Ngenken dadi peteng nyai mai?"
"Icang dini nginep".
"Dadi nyai ngaba waluh, dija maan?"
"Ditu sig umah Dadong Rangsasane". Nglantas kone I Bawang
nuturang paundukanne matigtig, muah dugase ia nagih ampakang
jlanan, ada nagih nomplok aji pabungbungan, aji blida, ada nagih
ngagel aji saang kandikan. Kangen kone dadongne madingehang
tutur I Bawange keto. Mara empuga waluhe, teka misi mas-masan
tur masesocan pakranyah, luire : blengker, bebadong, gelang, miwah
makudang-kudang bungkung. Kendel kone I Bawang, rasa buka
otonin kone kenehne, baane acepokan ia ngelah panganggo amonto
liunne.
Gelising satua suba semengan, kacrita jani Men Bawang lakar
-52 -
