Majalan lantas I Rareangon ngaba manik liu pesan. Suba
neked di bongkol gununge, nepukin lantas ia macan magereng,
entungina lantas manik sesirep. Pules lantas macane makejang Buin
majalan ia ngamenekang, nepukin kone ia lelipi gede-gede, entung-
ina lantas manik sesirep. Pules lelipine makejang. Tau duur nepukin
kone I Rareangon rangsasa dadua luh muani, entungina manik se-
sirep, pules lantas rangsasane makadadua. Suba pada pules gebagane
makejang, prasida lantas I Rareangon katepuk teken I Lubangkuri.
Ngon I Rareangon teken warnan I Lubangkurine, sajaan patuh
buka goban gegambaranne di pangangonan. Ditu I Rareangon nutur-
ang unduk teken I Lubangkuri, mawanan ia neked kema. Ajakina
lantas I Lubangkuri ka negara, bakal katur teken Ida Anake Agung.
I Lubangkuri saturut. Suba kone keto, majalan lantas ajaka dadua
nganuunang. Mara pesan neked basa tengahan gununge, bangun
rangsasane makadadua, pagelur nutug I Rareangon. I Rareangon
ngulahang lantas majalan, suba paak rangsasane. entungina lantas
manik tiing, dadi tiing ategal melat pajalan I Rareangone Tusing
aatanga teken rangsasane, kroboka dogen tiinge ento. Entungina
lantas manik blabar, dadi blabar endut, masih tuuka dogen teken
I Rangsasa. Buin lantas entungina manik api, dadi api makobar-
kobaran melat pajalan I Rangsasa Ento masih tusing aatanga teken
I Rangsasa, kroboka dogen, jani suba paak pesan kone I Rangsasa.
I Rareangon suba ngrasa mati, inget lantas ia teken manikne nu
abesik, manik atma. Ento lantas entungina I Rangsasa, mati lantas
I Rangsasa makadadua.
Kacrita I Rareangon ajaka I Lubangkuri neked jumah Jero
Dukuhe suba peteng. Ngandika Jero Dukuh teken I Rareangon,
"Cening Rareangon, buin mani semengan kema suba cening mulih,
aturang I Lubangkuri teken Ida. Anake Agung. Ne adin ceninge I
Luh, cening suba nyuang ajak ia bareng mulih!" I Rareangon
sairing.
Kacrita mani semengane di subane I Rareangon, okan Jero
Dukuhe muah I Lubangkuri mapamit, lantas ia majalan. Tan crita
di jalan mara nyaluk peteng, teked lantas I Rareangon jumahne.
Kendel pesan kone memenne.
"Duh rauh Cening, Cening pianak meme, pitaen meme Cening
lakar tuara sida mlipetan.". Epot memenne ngebatang tikeh muah
ngalihang pabuan. Di subane pada mategtegan, ditu lantas I Rare
angon nyatua, nuturang pajalanne luas ngalih I Lubangkuri, tur
- 46-
