"Cai Rareangon, da cai sedih, ne rurunge ngaja kanginang tuut,
tepuk I Lubangkuri!" Tuah amonto pangandikan Betarane lantas
ida mesat.
Mani semenganne tuturanga lantas ipianne teken memenne,
tur ia morahan lakar luas. Epot memenne ngaenang bekel, di suba-
ne pragat lantas I Rareangon majalan. Pajalanne ngaja kanginang,
nganti joh pesan, tuun gunung menek gunung, megat-megat pangkung
grembengan, nepukin lantas ia padukuhan Ditu lantas ia singgah
jumah Jero Dukuhe. Jero Dukuh nyapa, "Sapasira jero alit dados
mriki praragaan?"
Masaut I Rareangon, "Inggih tiang I Rareangon. Mawinan
tiang rauh mriki, tiang ngutang-utang dewek, ne mangkin tiang
nunas ica ring jerone, genah madunungan".
"Nah dini cening nongos, apang ada ajaka adin ceninge dini
makeengan!" Jero Dukuh ngelah kone oka luh bajang adiri.
Kacrita suba makelo I Rareangon ditu, lantas pagelananga
teken okanne.
Sedek dina anu, morahan kone I Rareangon teken Jero Dukuh,
"Jero Dukuh tiang matur ring jerone; awinan tiang rauh mriki
ngutang-utang dewek, tiang kapangandikaang antuk Ida Anake Agung
ngrereh anak luh sane madan I Lubangkuri. Kedeh pesan pakayun-
an idane, yan tiang tuara nyidaang, tiang pacang kapademang".
Masaur Jero Dukuh, "Da cening keweh, bapa matujuhin cening
tongos I Lubangkurine, ditu di pucak gununge kaja kangin. Ditu
suba tongosne cening, nanging sengka pesan pajalane kema, krana
I Lubangkuri kagebag baan soroh burone ane galak-galak. Ma-
pangka-pangka tongos gebaganne, tau beten macan magereng, ba
duuran soroh leipine gede-gede, ane tau duur rangsasa dadua luh
muani. Ento pangalang-alang anake kema. Yadiapin keto, ne bapa
maang cening manik sesirep, apang prasida cening nganteg ka pucak.
pade di mlipetane cening lantas katangehan, ubera cening teken
rangsasane, ne biiin bapa maang cening manik pangalang-alang,
manik tiing, manik blabar, manik api, anggon ngentungin I Rang-
sasa. Yan ento makejang tuara nyidaang ne manik atmane entungin,
pedas I Rangsasa mati. Nah kema cening majalan, da cening su-
mangsaya!"
-45-
