maan kurenan okan Jero Dukuh Sakti. Buin maninne semengan I
Rareangon ka puri ngaturang I Lubangkuri. Angob maduluran
sengit kayun Ida Anake Agung teken I Rareangon, bane nyidaang
ngalih I Lubangkuri. Makayun-kayun Ida Anake Agung. "Yan
tusing jlema sakti, tuara nyidaang apa ngalih I Lubangkuri. Yen
jlemane ne nu idupang, pedas kagungan i deweke lakar uug. Nah
lakar upayen kapatianne I Rareangon".
'"Cai Rareangon kema buin cai luas, alihang gelahe macan,
dot pesan gelahe apang nawang macan, Kema cai majalan jani!"
Mara keto pangandikan Ida Anake Agung, ngembeng yeh paningalan
I Rareangon, suba ngrasa teken dewek kasengitang baan Anake
Agung. Mapamit lantas ia budal, kacrita suba neked jumah, ma-
takon lantas kurenanne, "Beli, kenapa sebeng beline dadi masawang
sedih? Kenken sih tingkah beline tangkil di puri?"
Masaut I Rareangon, "Kene adi, sinah suba baan beli Ida
Anake Agung sengit pesan teken beli. Suba beli nyidaang ngalih I
Lubangkuri, jani buin beli kapangandikaang ngalih macan".
Masaut ne luh, "Yan bantas aketo, da beli sanget ngewehang!
Ne tiang ngelah manik astagina, paican dane i bapa. Jani tiang
ngadakang macan. Manik astegina apang ada macan!" Ada lantas
macan gede pesan.
"Nah kema beli ka puri tegakin macane ne, aturang teken
Ida Anake Agung!
Tegakina lantas macane ento ka puri, teked di puri, sedek
Anake Agung katangkil, serab kone pada anake nangkil, Ida Anake
Agung jejeh mangetor nyingakin macan, buin pada nyengap macane
ento gereng-gereng.
"Gediang, gediang!" keto pangandikan Ida Anake Agung sambil-
ang ida mlaib ngapuriang. Gedianga kone lantas macane ento teken
I Rareangon. tegakina abana mulih. Teked jumahne macane ento
lantas pastuna teken kurenanne, apang dadi lesung. Dadi lantas
macane ento lesung. Buin maninne buin kone I Rareangon kasengan
ka puri. Ngandika Ida Anake Agung teken I Rareangon, "Cai
Rareangon, kema alihang gelahe naga! Yan cai tonden maan naga,
da cai mlipetan mulih!" Ngiring kone I Rareangon, lantas ia ma-
pamit budal Teked jumahne morahan ia teken kurenanne. Ditu
lantas kurenanne nyemak manikne. "Manik astagina apang ada naga!"
-47 -
