madadong teken dadong, tusing nyidaang dadong ngelidang kapati-
an nyaine. Nah majalan nyai melah-melah! Ne ada pagaen nyaine
dadong ngidih, idepang dadong ngajak nyai jumah", keto abet
dadongne sajaan lantas ditu I Tuung Kuning atehanga teken memenne.
Tan kacrita di jalan, suba kone neked jumah, mara nengok
kone ia suba bangun bapanne.
"Ne, I Tuung Kuning".
"O, ne suba i cening Beli Wayan".
"Jalan luas jani Tuung Kuning ajak bapa!" keto abetne I
Pudak, majalan lantas I Tuung Kuning ajaka bapanne.
Tan critanan memenne I Tuung Kuning jumahne sedih, ka-
crita pajalanne I Tuung Kuning ajaka bapanne suba neked di alase,
matakon kone I Tuung Kuning teken bapanne, "Bapa, teked dija
pajalane luas?"
"Ne teked ba dajanne buin abedik", keto pasaut bapanne.
Suba kone ba dajane, buin matakon I Tuung Kuning.
"Nu joh Bapa?"
"Ne dini ba dajanan buin abedik", keto kone pasaut bapanne.
Nu dogen pajalanne ngatengahang di alase.
Kacrita nepukin lantas meru di jabaanne ada kone punyan
baingin gede, ditu lantas I Tuung Kuning rerenanga teken bapanne.
"Dini suba mreren Tuung Kuning!. Nah da nyai buin ngliu-
nang omong, nyai lakar anggon bapa amah-amahan siap, salah nyai-
ne baan nyaine tumbuh dadi jlema luh".
"Nah lautang Bapa, matiang tiang, anak Bapa nguasaang
dewek tiange buka angganing pamula-mulaan, anak Bapa mamula
lamun Bapa lakar ngabut, tiang sing ja lakar mapalawanan. Nah
lautang suba Bapa!" keto abetne I Tuung Kuning.
Kacrita jani dedarine di Kadewatan nyingakin I Tuung Kuning
nagih matianga teken bapanne. "Beh pedalem ja I Tuung Kuning,
anak tusing ngelah salah dadi nagih matianga. Ah bakal tulungin
kone ia", keto pangandikan dedarine lantas tuun.
Kacrita akijapan Ida suba neked di tongos I Tuung Kuninge, ia mara amenganga blakas I Tuung Kuning teken bapanne, lantas saupa kone I Tuung Kuning teken dedarine, I Tuung Kuning silur- ina aji gedebong. Keberanga lantas I Tuung Kuning teken dedarine
- 36 -