ajaka ka Suargan. To gedebonge dadi lonto kone I Tuung Kuning tingalina teken bapanne. Gedebonge ento kone tekteka, suba dekdek abana lantas ia mulih.
Tan kacrita dijalan, kacrita neked kone suba jumahne, baanga lantas kone siape ngamah gedebonge ento pada mabedik. Ya mara suud ngamah, mati lantas siapne makejang. Sasubane mati siapne, dadi mara I Pudak inget teken panakne. Ngeling lantas ia mase- sambatan ngame-ame panak, "Dong yan apa makada, dadi bakat matiang i cening, jani dija alih pianak titiange". Nah liu omongne I Pudak nyelselang awak, not-nota dogen pianakne, asana ditu kone di batan baingine di tongose ngamatiang, kone pianakne nu ngeling. Dadi tusing dadi kone baana ngandet kenehne makita kema. Kema lantas ka alase I Pudak sig jalanne ngamatiang panakne.
Kacrita suba jani neked ditu, ngeling lantas I Pudak ditu, maguyang ngame-ame panak, kanti bulanan kone nu dogen I Pudak ditu sedih tusing madaar-daar, kanti berag tuh kone suba awakne. Bokne suba gempel.
Jani kacrita I Tuung Kuning di Suargan, tawanga kone bapan ne sedih nyedihang dewekne, ngeling kone lantas I Tuung Kuning, pedalema pesan bapanne bulan-buianan sedih kanti berag tur tusing madaar-daar. Matakon kone lantas dedarine, "Tuung Kuning ne kenapa nyai dadi ngeling?"
Matur lantas I Tuung Kuning, "Dong pedalem pesan ja bapan tiange, sedih kanti bulan-bulanan nenten madaar-daar. Atehang ja titiang tuun ngrereh bapan tiange!"
"Nah keto ja nyet nyaine, embok atehanga men nyai tuun", keto pangandikan dedarine, tur atehanga lantas I Tuung Kuning tuun. Akliengan, teked kone suba beten. Enceganga dogen I Tuung Kuning kalahina lantas teken dedarine menek. Jani I Tuung Kuning, paakina kone lantas bapanne. dapetanga bapanne makakeb di bongkol baingine ngeling sleguk-sleguk.
"Bapa, Bapa suud Bapa sedih, tiang anak tusing mati, jalan mulih!", keto abetne I Tuung Kuning, sungkab kone bulun bapanne mara dingeha munyin panakne, matolihan lantas ia. Mara tingalina panakne di sampingne, aeng kone kendelne. Plekora kone lantas panakne tur pangelingina.
"Cening, Cening Tuung Kuning, kalingane idup buin Cening,
-37 -
