Masaut lantas ne luh, "Enden kone malu, anak ia nu ngembus talin tampar!".
"Ne kenken sih jlemane totonan, kema buin alih tunden enggal-enggal mulih!" Keto abetne I Pudak, nyrutcut lantas kuren- anne buin ngalih panakne. Suba kone teked ditu, tundena kone pianakne mulih enggal-enggal.
"Enden malu Meme, tiang nu ngodot tunun", keto kone pa- sautne I Tuung Kuning, lantas memenne morahan teken kurenanne.
"Beli Wayan, beli Wayan, enden kone malu, anak ia nu ngodot tunun!"
"Beh magenep gati sangkenne I Tuung Kuning, kema bin alih, bin sep nu ngenken ia orahanga ibanne!", keto abetne I Pudak, majalan lantas kurenanne. Suba kone keto dapetanga lantas ia suba suud ngetep tununne.
"Cening-Cening Tuung Kuning dong jalan mulih!" "Enden malu Meme icang nu mambuh bin akesep dogen", keto pasautne I Tuung Kuning, mulih kone memenne. Teked jumah, orahanga kone panakne nu mambuh.
"Nah sing sajaan, ada dogen sangkena I Tuung Kuning, kema buin alih! Yan sing nyak mulih, awake kema bakal ngalih, bakal bragedeg tendasne bes ada dogen sangkenne", keto abetne I Pudak, buin lantas kurenanne ngalih pianakne.
Kacrita suba ia neked ditu, dapetanga kone pianakne suba nganggo sarwa putih, naen suba ia I Tuung Kuning lakar matianga teken bapanne. Mara memenne neked ditu, ngomong lantas I Tuung Kuning, "Meme, tuyuh Meme busan-busan ngalih tiang, nah jalan jani majalan mulih", keto abetne I Tuung Kuning, ngembeng-embeng kone yeh paningalan memenne.
"Jalan Cening, dong kema morahan teken dadonge!" Morahan kone lantas I Tuung Kuning teken dadongne, "Dadong, Dadong, tiang ngalahin Dadong jani. Tiang meh sing mlipetan apa jenenga buin mai ngidih nasi teken Dadong. Tiang pedas suba matianga teken i bapa. Nah dumadak ja Dadong apang makelo idup, tiang ngalahin Dadong maluan", keto abetne I Tuung Kuning, ngeling kone lantas dadongne.
"Nah kema Cening mulih! Di benengan kenene nyai lacur
- 35 -
