"Meme, nyen icang baang kampidne nah Meme, bakal anggon kepet"!
"Pagigisin ngomong keto ya Nyanan dingeha nyen teken I
Siap Badeng, sing ya magedi ya".
Buin kone ngomong pianakne ane nengahan, "Nyanan icang
baang batisne nah Me, bakal anggon cakar".
Ne buin uyut sajaan sing dadi baangin munyi cerik-cerike.
Nyanan sing ya baanga gamana uli jani suba matempah. Nyen payu
kado lakar i dewek buung maan be".
Paomongan Men Kuwuke dingeha kone teken I Siap Badeng,
lantas memenne ngajakin pianakne menek ka punyan teepe.
"Cening, cening, apa jele wangsite, tawang i dewek nagih
tampaha teken Men Kuwuk. To munyin pianakne dingeh meme,
ada nagih ngidih kampid kone lakar anggona kepet, ada nagih batis
anggona cakar. Jalan ja makisid medem, menek laku ka punyan
kayune ne. Kema cening menek maluan. Adeng-adengang men
ibane menek apang sing tawanga teken Men Kuwuk".
Menek lantas pianakne adeng-adengan, nu kone lantas abesik
I Kolagan beten sing dadi baana menek.
"Cening Kolagan, beten cening pules padidian, alihanga ja batu
anggon dingding", keto kone abet memenne.
"Nah".
Ngalih lantas I Siap Badeng batu, makajang anggona dingding
I Kolagan pules. Suba madingding I Kolagan mara kone memenne
menek.
Jani kacrita suba tengah lemeng. Ujane suba endang tur yeh
tukade suba engkes, lantas I Siap Badeng nundun pianakne, "Cening,
cening, ne suba endang tur yeh tukade suba engkes jenenga, lan
jani mulih nyen enggalan pesu nyen Men Kuwuk. Slegenti makeber.
"Nah", nah", keto kone pianakne. Jani memenne tuun kone
ngalih I Kolagan.
"Cening Kolagan, meme ajak nyaman ceninge makejang anak
maluan, cening dini men padidian, nyanan lamun bakatanga
teken Men Kuwuk, kene abete ngomong : Bakal kenkenang icang,
bakal tampah? Yen jani meme nampah icang ben icange anak nu
belig ubuhin icang malu, buin pidan lamun icang suba gede mara
tampah icang, mara jaan ben icange".
-17-
