"Nah keto ja keto", keto abetne I Kolagan ngidepang pangajah
memenne.
Kacrita jani makeber lantas panakne I Siap Badeng abesik.
Ber kresuak. Makaukan lantas Men Kuwuk.
"Siap Badeng, apa ulung di paon, aeng kresuakanne?"
"Don teepe ane kuning-kuning". Buin kesepne makeber panak
I Siap Badeng buin abesik. Ber suak.
"Siap Badeng, Siap Badeng, apa ulung di paon makresuak
dingeh oke?"
"Don dapdape ane kuning kuning", keto kone sakabesik ma-
keber panak I Siap Badenge kresuak-kresuak, sabilang makresuak
takonina kone I Siap Badeng teken Men Kuwuk, orahanga don
nyambu ane kuning-kuning, don timbul, kanti teiah pianakne ane
ba duur makeber, ento memenne tanggu durina kone makeber.
Ber kresuak, paling gedena critanne kresuakanne.
"Apa ne ulung aeng geden kresuakanne, Siap Badeng?" keto
abetne Men Kuwuk Sepi kone sing ada nyautin. Ngomong lantas
Men Kuwuk teken pianakne makisi-kisi, "Cening-cening, ne suba
pules jenenga I Siap Badeng. Meme pesu jani, bakal saup tendasne
pianakne". Pesu lantas Men Kuwuk sada matenggeng majalan
apang sing makrisikan. Suba ia neked di paon, ento batune dingding I
Kolagane kadena I Siap Badeng, lantas sahasa ia nyagrep,
laut pelih bana, maserod kone batisne laut batune bakat tegora,
rongoh lantas giginne, bungutne macuab-cuab pesu getih. Ditu lantas
ia ngarod-arod ngeling.
"Aduh, aduh". Nyagjag kone lantas panakne.
"Meme, meme, kenapa Meme dadi duuh-duuh ngeling? Bih I
Meme blangsah", keto kone abetne ane nengahan.
"Ma enggalang pakpakang kapkap anggon nambel cunguhne!".
"Aduh aduh, meme sing blangsah, meme labuh dini maserod
batis memene, laut batune ne bakat tegor meme". Suba kone keto
bakatanga lantas I Kolagan ditu kesul kesul.
"Nah ne apa bakat pianakne abesik, kija nyaman ibane lakuna?"
Mani gantin payu ngamah be siap. Ditu lantas ngomong I Kolagan,
"Meme lakar kenkenang icang lakar tampah? Yen jani Meme nam-
pah icang, ben icange anak nu belig, ubuhin icang malu, buin pidan
lamun suba gede mara tampah, mara jaan ben icange".
"O, keto?", keto abetne Men Kuwuk. Masaut lantas panakne.
-18-