Kaca puniki kavalidasi
49. Ketungan wani, ketungan wani,
tonden pragat sorog-sorogang, pitungan jani, pitungan jani, tonden pragat suba rorodang.
50. Meli baju di Blingbing,
sesayute di Banjar Jawa, beli laju masesimbing, yen sautin dadi dawa.
51. Ngaba baju pejang jumah,
umbin jae encak-encakin, da iju ngalih somah, ngalih gae malu plajahin.
52. Ada baju ya di sema,
panak perit di punyan sela, da laju macebur kema, anak pripit buin jela.
53. Lakar baju matali kupas,
saput poleng pejang suling, tuara laju ngalahin luas, takut gelah juang maling.
54. Batun sekep di beten klumpu,
ngaba jukut mwadah kisa, lamun idep pada cumpu, nguda takut ninggal desa.
55. Bawang jukut bawang tanah,
siap jalak urek sangsit, ngomong takut ngorahang nah, liat galak anggon wangsit.
56. Tanggung bedeg mabadingan,
gangsing gabus kasanglupin, kudu jegeg maklinyaran, asing bagus kasanggupin.
57. Beli Kompiang luas ka Panji,
carang palang kena batu, yan tiang ngelong janji, apang tiang kena tantu.
- 12 -
