Kaca puniki kavalidasi
58. Kedis curik mabasa manis,
bungkung pendok sedeng di tujuh, bajang cerik kenyungne manis, selat tembok makita nyujuh.
59. Limon cuka matabeng plindo,
buah anggur getok-getokin, lamun suba manyama pindo, jawat lebur lakar tohin.
60. Kulik kulik di batan umah,
tingklik cenik pejang diwang, cerik-cerik mapumahan, tangkih clemik tuara tawang.
61. Kulik-kulik di batan padi,
godel kidang di luan meten, cerik-cerik cara jani, tonden bajang suba nganten.
62. Ngabut lambon ngaba sidi,
ngarit ambung ia maserod, lamon tuon teken janji, manis Galungan mangrorod.
63. Kaden poh kuning-kuning,
manas ko mapelut, kaden boh kenying-kenying, anak rengas buin celut.
64. Cotek amah siap,
meli cacah di Sidatapa, saling kotek aji paliat, magesah sing maan apa.
65. Tepung ketan - tepung ketan jaja uli,
nasi anget - nasi anget mwadah piring, kepung tiang - kepung tiang beli mantri tunggal inget - tunggal inget makita ngeling.
66. Galungan Kuningan,
Sate kuung apit babi, Aturang uningang, Tiang buung dadi rabi.
- 13 -
