I Rangsasa ngelah keneh medalem. Suba paakina gati teken I Lengar
masih tra ngenken-ngenkenang. Apa sedekan ngelen-elen I Rangsasa
lantas tebeka lambungne teken I Lengar. Bah lantas I Rangsasa aeng
geluranne. Suba bah, tebeka lantas buin kekolonganne. Mati kone
lantas I Rangsasa. Suba mati I Rangsasa. aliha lantas Anak Agung
Ayu ka tengah goane teken I Lengar. Dapetanga kone Anak Agung
Ayu sedekan nangis.
Matur lantas I Lengar, "Ratu Anak Agung Ayu, ngiring
mangkin mantuk Ratu Anak Agung, I Rangsasa ipun sampun padem!"
"Nyen ngamatiang I Rangsasa?", keto kone pangandikan Anak
Agung Ayu".
"Titiang". Mara pesu Anak Agung Ayu, lantas bangken I
Rangsasane nyengku. Ngandika lantas Ida, "Ne nyen cai olas nulung-
in nira".
"Titiang I Lengar". Ida Anak Agung wantah ngutus titiang
ngrereh Cokor I Ratu. Ngiring sampun mangkin mantuk".
"Jalan Lengar". Mamargi lantas Ida Anak Agung Ayu ka-
iring baan I Lengar.
Tan kacrita di jalan, kacrita suba Ida rauh di bancingah. Ada
kone adiri sedekan nganggur di bancingah, to lantas mlaib ka purian
ngaturang teken Anake Agung. Ka jaba lantas Anake Agung
lanang istri mendakin okane. Apa pasranab telah kerik tingkih isin
purine bareng ka jaba mendakin Anak Agung Ayu. Ngrengkeng
kone Gusti Patih di aapan I Lengare, "Ne kene ne jail Widine dadi
jlema kekene nyidaang ngrauhang Ida Anak Agung Ayu. Gustin i
deweke jani ngelah gusti mabungut bengor", keto pangandikan
Gusti Patih. Buin Gusti Punggawa ngandika, "Dong dayanin, anak
kene jani lakar anggon gusti, lacur lakar parek-parekane tusing pati
maan makelid, bes kene mlontod matanne". Ada buin lenan ngan-
dika kene, "Ne sengkokne maan nyangket baong, keweh ngelesang".
Dening keto pangandikan Patih Punggawane, jengah kone I Lengar
lantas ia ngambul magedi, tusing uningina teken Anake Agung.
Kacrita pagedin I Lengare, nerung-nerung pajalanne ngungsi
kalase. Suba neked di alase, nepukin kone lantas I Lengar tegal,
ditu lantas ia mreren. Ditu lantas medal dedari Supraba uli di buine.
Lantas ngandika, "Dong sepala ja jailne patih punggawa Anake
Agung. Nah buin pidan apang rasaina upahne ngomong tusing karo-
karoan".
- 142 -
