"Nyen adan caine?"
"Titiang I Lengar Ratu Dewa Agung".
"Saja cai masanggup lakar ngalih panak gelahe, tur ngamati-
ang I Rangsasa?" "Inggih sayuakti".
"Nah lamun keto, parekan kema sagiang malu ne I Lengar!"
Sagianga kone lantas I Lengar teken parek-parekanne, ada ngecuhin ada
nyarikin be jukutne kone. Dadi cicing kene-kene ne kandikaang nyagiang
Cicing i mata mlontod, i bungut bengor. Apang
carikan awake amaha", keto kone abet parek - parekane ane nyagi-
ang I Lengar. Suba jene pragat sagine, kaukina lantas I Lengar,
"Mai Ngar, ada paica".
Kacrita nunas lantas I Lengar. Tuting di madaarne kone jail-
ina teken parek-parekane.
"Ngar, pagolohin te sabuke, apang lebihan madaar, awak
tumben nepukin daaran jaan-jaan!"
Ngomong kone ane lenan, "Ngar, palebihin madaar, nyanan
apang betekan I Rangsasa. Mara betek basangne, kuangan buung
ngalih Anak Agung Ayu, jabin jeet matanne caraang udang". Ma-
genepan kone jejailan parekane, I Lengar endepanga dogen kone
ibanne, itepanga ibanne madaar. Nah suba I Lengar suud madaar.
nikaina lantas ia teken Anake Agung, "Lengar, nah kema suba cai
majalan, ne kadutan pilihin!", keto pangandikan Ida Anake Agung.
Tunasa kone kadutanidane abesik, lantas I Lengar matur, "Inggih
titiang nawegang matur ring Cokor I Dewa. Titiang durung uning
ring dija genah Rangsasane punika?"
"Nah tukade ba dauh tuut beneh kajanang dogen. Lamun
nepukin cai goa linggah di bongkol abinge, to suba umah I Rang-
sasa", keto pangandikanidane. Mapamit lantas I Lengar.
Tan kacrita pajalanne I Lengar nuluh tukad, suba joh gati
kaja, tingalina lantas goan I Rangsasane uli joh.
"Ne jenenga umahne I Rangsasa". Keto kenehne I Lengar,
lantas ia makancut ginting. Dadi nyang abedik kone ia tusing
ngelah takut. suba paak I Lengar teken goane, adeka lantas teken
Rangsasane. Ngelur lantas I Rangsasa, "Manusa bone. Nyen bani
buin clapat-clapat. Bakal ceret getihne matah-matah", keto abetne
I Rangsasa tur lantas ia pesu. Mara nota I Lengar, dadi manuh kone
I Rangsasa, teka tuara ada nyeta ngenkenang I Lengar. Dadi tumben
-141-