Suba kone keto, ditu lantas dedari Supraba ngaji puri genep
tekaning bancingah. Ada kone lantas puri luung gati tekaning
bancingah. Suba ada puri, buin kone dedari Supraba ngaji desa
tuting jlemanne. Ada lantas desa tuting jlemanne. Adanina kone
desane ento Tegalanyar. Ditu lantas I Lengar ngagungin desane ento.
Sasubanne I Lengar dadi Agung tan paubad ilang lantas malanne
I Lengar, dadi buka jati mula bajang bagus. Masalin lantas ia adan
maadan I Wirajaya.
Tan kacrita I Wirajaya, kacrita jani Ida Anake Agung ngibuk-
ang I Lengar. Ngandika teken pepatih punggawanidane, "Patih
punggawa ajak makejang, dija lakuna I Lengar dadi tusing ngenah
ia dini?"
Matur patih punggawanidane, "Titiang matur sisip Ratu
Dewa Agung, titiang tan wenten uning, yan dija kapo ipun", keto
atur patih punggawane, dadi duka lantas Ida Anake Agung.
"Ne te punggawa ajak makejang. Dadi tusing pesan nira
baanga tongos nyang abedik. Tuah i patih ngranaang I Lengar ma-
gedi. Baane ia nyidaang ngamatiang I Rangsasa i patih iri. Kema
alih jani I Lengar. Yan tusing sidaang i patih nekaang, da i patih
mlipetan!", keto pangandikan Anake Agung, Gusti Patih tusing bani
tulak, lantas dane mamargi ngalih I Lengar.
Tan kacrita di jalan, kacrita neked lantas dane di desa Tegal
anyar. Ya mara dane neked di bancingah purine, bengor kone lantas
cangkemne Gusti Patih. Bengong kone nyingakin kaluungan purine,
ngepah kone dane ditu, tusing maklisik klisikan nganti taluhin buyung
kone cangkemne, masih nu dogen dane ditu, dadi dane tusing ma-
kayun kija-kija, teka ngepah dogen kone dane ditu.
Kacrita jani Ida Anake Agung di negara ngati - ati I Lengar
ngandika lantas Ida teken para punggawane, "Ne nguda ya pelan
suba makapuan I Patih luas masih tra ada ortana. Kema ja pung
gawa ngalih I Lengar!", keto pangandikanidane. Sairing kone para
punggawane, lantas mamargi.
Tan kacrita di jalan, kacrita rauh kone masih para punggawa
ne di desa Tegalanyar. Mara dogen rauh di bancingah kenken ja
pangandikanne nyailin I Lengar, ya keto kone para punggawane
mara rauh ditu, ada mlontod kone panyingakanne, ada kone ane
sengkok prejanian tanganne. Teka bengong kone masih di bancingah,
ngon teken kaluungan purine.
- 143 -
