lenan lantas peneka. Keto dogen kone, beneng-benengina dogen pi-
anakne ngulungin nyuh, masih tusing kena-kena, kudang puun kaden
suba menek, kanti lepah gati suba bayunne. Dening kenyel suba
bapan I Lengare masih tusing nyidaang ngamatiang panakne, mulih
lantas ia negen nyuh ajaka dadua.
Kacrita buin maninne ujan lantas gede gati, kene kone keneh-
ne bapan I Lengare, "Nah jani te ujan, nyanan dong blabar ja di
tukade, bakal ajak mamancing I Lengar, nyanan tuludang tendasne
pang anyud dong mati ya polonne", keto kenehne Pan Lengare.
Suba kone nget ujane, ajakina kone lantas panakne mamancing,
"Lengar, Lengar, jalan mamancing Ian, Ngar! blabar jenenga di
tukade, kaget apa maan be julit, nyanan ajaka timbung". Nyak
kone panakne tur majalan ajaka dadua ngaba pancing. Suba neked
di tukade, sajaan kone blabar, kene lantas abet bapan I Lengare,
"Lengar, pulang suba pancinge, ditu jongkokang ibane di bibih
tukade!" Ya mara mulang pancing I Lengar lantas tinjaka kone
teken bapanne. Apa anyud lantas I Lengar nglembang ka tebenan.
"Nah, bangka polonne, jani te awake ganti payu nganten ajak
I Balu Kawanan", keto kenehne bapan I Lengare, lantas mulih,
Di jalan lantas turabuh kenehne kene, "Ah aden jani suba alih I
Balu Kawanan, nyanan petenge bakal ajakin majalan". Kema kone
lantas Pan Lengar kumah Ni Balu Kawanan, teked di kori patengahane,
dingeha kone Ni Balu Kawanan gending-gending di bale
gedene, kene kone gegendinganne, "Siap sangkur ngatekok diwang,
tiang lacur sing ada nganggoang".
Sautina lantas teken Pan Lengar, "Beli nganggoang". Tusing
kone runguanga teken Ni Balu Kawanan dening buka ngramange
dingeha munyi. Tutuganga kone masih gegendinganne, "Luas ngalu
jarane lua, kene balu suba tua".
Buin sautina teken Pan Lengar, "Jalan paturu balu". Keto
pasautne Pan Lengar, lantas kone ia menekan ka bale gedene.
"Ye Beli Wayan, Beli mara teka? Negak Beli Wayan!"
Negak kone lantas Pan Lengar di balene maap - aapan ajaka
Ni Balu Kawanan.
"Beli Wayan, apa jenenga buat Beline mai, dadi ulesne buka
gatine?" Keto patakone Ni Balu Kawanan,
Masaut lantas Pan Lengar, "Kene Nyoman, buat beline teka
mai, sing ja len, buka omongan beline i pidan, dadinne beli nyeken-
-36 -