ang teken nyai, dening ada raos nyai i pidan dugas beline ngomong
teken nyai diwangan. Ada raos nyaine dugase ento, nyai ngorahang
tusing demen ngelah panak kualon, men jani pianak beline suba
mati, men nyai ngenyakin beli", keto abetne Pan Lengar. Tengkejut
lantas Ni Baiu Kawanan.
"Ye, i pidan mati pianak Beline? Mara ibi not icang seger
oger panak Beline I Lengar".
Masaut Pan Lengar, "Mara gati, anak kanyudang tendasne
di tukade. Kabelog-belog kajak mamancing. Ya mara ia nyongkok
mulang pancing, katinjak tendasne uli duri. Apa nglembang polon-
ne beng kelod. Bangka suba polonne antep-antepanga teken yehe
di batune".
Masaut lantas Ni Balu Kawanan, "Ne kene ne Beli, pianak
Beline tera pedalem Beli ngamatiang, kalinganke tiang anggon Beli
kurenan, yan icang makurenan ngajak Beli payu dadi patigtigan
dogen nyen icang ditu, icang tera bani. Nah da suba lantanganga
tenenan, icang tusing demen teken Beli. Kema suba Beli mulih,
buina icang tusing maan masanggup teken Beli", keto abet Ni Balu
Kawanan, apa kebilbil lantas Pan Lengar, laut mesuang aeng klisat-
anne.
Tan kacrita Pan Lengar ajak Ni Balu Kawanan, kacrita jani
I Lengar, tusing kone mati, kampih lantas ia di pesisi, ngrayang
kone ketuhe lakuna, ditu lantas pedemanga ibanne. Suba jenenga
melahan kenehne, negak lantas ia sambilanga makeneh-keneh, "Ne
kija laku jani, mati ja mati, idup ja idup". Suba pasti kenehne keto
lantas ia bangun tur lantas majalan. Joh kone suba pajalan I
Lengare, sabilang nepukin kubu kone singgahina dogen ngidih-idih
nasi. Ada ja kone maang nasi, ada ja tusing.
Kacrita neked suba pajalanne di alase, nepukin tetamanan kone
ia ditu.
"Ne ada taman dini, nyen ngelah tamane ne, dini ja kone
malu mreren", keto kenehne I Lengar, negak kone lantas ia ditu
di bongkol nagasarine. Buin kejepne laut ada kone dedari paceburbur kema
kayeh di tamane ento. Bengong kone I Lengar mabalih
dedari. Ne tusing tawanga i dewek dini, teka-tekan ojog ngelus
kamben teka anake luh ento. Meh ne jenenga madan dedari, bakal
engkebang ja bajunne abesik, keto kenehne I Lengar, engkebanga
lantas bajun dedarine abesik. Suud jene dedarine kayeh, makejang
- 137 -
