makejang kone pada suud ngeling.
Kacrita jani Ida Raden Galuh Daa nyumpena kone Ida ma-
temu mrabi teken anak bagus gati, nanging anake ento jani magoba
bojog putih, bisa ngomong jlema kaubuh ban wang prau tur lakar
bisa kone dadi anak bagus. Ditu lantas Ida Raden Galuh nangkil
teken ajine muah rakane makekalih, ngaturin Ida mangda numbas-
ang bojoge ane ubuha teken wang prau tur lakar anggen Ida plalian,
Iantas Ida Sang Prabu ngandika, "Beh i Anak Galuh, dadi buka
anake alit papak raosang Cening, raga suba duur, dadi nagih ma-
plalian keketo. Dening Cening suba duur, keneh bapane majangkep-
ang Cening teken rakan ceninge I Mantring Koripan. Rakan Ceninge
dini makedadua, pajangkepang bapa teken i Cening Galuh Gegelang
muah Singasari, dening mula Cening mamisan teken ento makejang.
Yadin keto pangandikan Idane Sang Prabu, Ida Raden Galuh tusing
ngiring, masih kedeh pinunas Idane, apang tumbasang ja bojoge
putih ento. Dening keto, Iantas Ida Sang Prabu ngandikaang parek-
an ka pesisi meli bojoge putih ento teken wang praune. Di subane
bojoge ento katur ka puri, angob gati Ida Sang Prabu, miwah
Raden Mantri makekalih, reh bojoge ento bisa ngomong muah masolah cara jlema, tur nguningang dewekne madan I Dempuawang,
Iantas nikaang Ida ngaturang bojoge ento teken Ida Raden Galuh
di pagaluhan. Suba kone keto, Ida Raden Galuh peteng lemah kone
sing taen palas teken I Dempuawang, tur pada kone manyingne
cara anak mrabian.
Tan kacritanan gelising satua, dening suba pada caluh, dadi
sayan gudip kone I Dempuawang, ngangsan bani niman Ida Raden
Galuh muah mlali susunidane, sambilanga mreraosan. Dening bes
sai - saine keto, nuju peteng Ida Raden Galuh merem ngajak I
Dempuawang, Iantas jamaha kone Ida Raden Galuh teken I Dempu
awang. Buin maninne, dadiannya lesu gati kone Ida Raden Galuh,
Iantas Ida lunga ka taman ngetis kairing baan I Dempuawang. Rauh
Ida ditu, mlinggih di bale kambange sambilang Ida mreraosan ngajak
I Dempuawang.
"Dempuawang, to kenapa bungut ibane bujuh?"
"Inggili Ratu Ayu, titiang dodos pragina suling ring purian".
"Dempuawang, to kenapa awake mabulu?"
"Inggih Ratu Ayu, titiang mabaju sengkelat nenten mlapis".
"Dempuawang, to kenapa liman ibane dempet?"
"Inggih Ratu Ayu, titiang nunas jaja kuskus dereng mwajik".
- 133 -
