Suud matur keto, lantas I Dukuh moktah. Sapaninggal I Dukuhe,
buin maninne plimunan kone I Raden Mantri sareng arine make-
kalih suba mamargi ngungsi pesisi. Rauh Ida ditu, lantas pendaka
kone teken isin praune ento, tur iringa munggali ka praune. Anake
ento makejang pada bakti ngaula ring Ida. Di subanne keto, lantas
Ida Dilayar mailehan naken - nakenang biange. Sabilang plabuhan
kone Ida mrarian nagih numbas anak luh berag ane nyuun tain
siap ambul kuskusane, nanging tusing kone masi ada ngadepin.
Kacrita jani mlabuh lantas Ida di pesisin Daane. Makejang
kone anake bengong mabalih prau mas macangcang di pesisi. Ditu
Ida Raden Mantri makekalih ngarsaang numbas anak luh berag ane
nyuun tain siap ambul kuskusane. Ortane keto dingeha kone teken
I Limbur, lantas ia matur teken Ida Sang Prabu, "Sang Prabug,
Sang Prabug, di pesisig adag koneg praug malabug melig anag lug
berag aneg nyuug taig siap ambug kuskusaneg, jalan Jag Pramig-
swarig adep, lakar genag sig nuanag jlemag ketog". Dening sayang
Idane Sang Prabu teken Ni Limbur, linggihina kone atur I Limbure.
Lantas nikaanga parekane ngadep Ida Sri Prameswari ka pesisi,
aji kuda ja nyak anake meli. Dening tibanan Ida Prameswari tusing
majengan, dadianya kiris gati kone Ida, tur tan eling teken raga
gosonga abana ka pesisi. Teked di pesisi, tumbasa kone teken Ida
Raden Mantri, lantas unggahanga ka praune. Ditu lantas Ida Sri
Prameswari siramanga, salinina wastra, lantas goyala kone teken
putrane makatetiga sambil nangis. Di subane Ida eling, patiptipa
kone Ida aturina bubuh, lantas Ida ngandika, "Eh, jero, jero olas
tani olase jerone ngidupang tiang sukaan tiang mati teken idup,
kene nemu sengsara. Mara keto pangandikanidane. lantas Ida Raden
Mantri makekalih matur, nguningang indik Idane uling pangawit
kanti kayang jani. Ditu lantas Ida Prameswari sareng putrane maka-
tetiga saling gelut saling tangisin, reh eling ring kasengsaran raga-
nidane. Ban ledang kayun Idane Prameswari kalintang, reh suba ka-
panggih teken putrane sami, dadi len-len awai kone Ida sayan kenak,
tur raganidane enggal kone pulih waluya jati buka ane suba-suba.
Di subanne keto. lantas Ida Raden Mantri makekalih maputusan
ngaturang surat ka puri nangtangin Ida Sang Prabu mayuda, dening
keto dadi mengsah gati kone Ida Sang Prabu, lantas Ida ngandi-
kaang I Patih nauhin kaula lakar ngrejek Ida Raden Mantri. Di suba-
ne kumpul pada teka kaulane, lantas rejeka kone Ida Raden Mantri
di pesisi. Ida Raden Mantri sareng kalih, lantas manahang gadunge
aturan I Dukuhe, lantas makejang kone wang Daane miwah Ida
- 130 -
