Kesusastran Bali Purwa
Béh, krama banjaré makejang pada ngon pesan ngenehang sadian Pan Angklung Gadangé ngelah cicing bisa mejunang pipis. Pan Angklung Gadang buin makeneh-keneh dening ia nyelepang pipis duang dasa, kapesuang mara plekutus, jani nu dadua di jit cicingné, laut ia meli rujak aji dadua. Suba suud naar rujak, laut ngaukin cicingné, "Kuluk kuluk kuluk, kletak kletak kletak". Lantas nyagjag cicingné, ikutné kitir-kitir, tur ka klecotang, pesu pipis né buin dadua, ento kanggon mayah meli rujak.
Paundukan Pan Angklung Gadang akéto, kapedasin pesan tekén I Wayan Sébetan, anak kasub sugih di banjaré ento. Dadiannya dot I Wayan Sébetan tekén kulukné ento, laut kadesekin Pan Angklung Gadang.
"Ih Bapa Angklung Gadang, icang ja baang meli kuluk bapané, bayah ja siu".
"Bih, kadong aji alaksa Jero Wayan nagih kuluk tiangé, lakar sing gediang tiang." Lantas buin kunjukin, aji duang laksa, kanti aji petag laksa masih tondén baanga. Buin ngomong I Wayan Sébetan, "ih Bapa Pan Angklung Gadang, jalan suba aba mulihan kuluké, limang laksa dogén lakar bayah kuluk bapané, sarina mani puan yén bapa singelah baas, mai icang idihin!" Lantas I Wayan Sébetan nyemak pipis limang laksa tur kaserahang tekén Pan Angklung Gadang. Pang Angklung Gadang bincuh nampi pipis tur ia mapi-mapi ngrumuk mamangenang cicingné.
Tan kacerita Pan Angklung Gadang mulih negen pipis magrétgotan. Jani kacerita I Wayan Sébetan ngubuhin kulukné. Ka batek baan tangarné apang tusing di pisaga kulukné mejunang pipis, lantas tegula di umah meténé, tur empek-empeka baangin ngamah, kenehné apang lebihan mesuang pipis.
Kacerita buin maniné, I Wayan Sébetan luas mabalih, prajani ia meséh mapanganggo ané melah-melah. Déning ia nak mula ajum tekén pagelahan, jani mabudi ninggarang
67
